ကိုယ်တိုင်ရေး/မိမိကြိုက်နှစ်သက်သည့် ၀တ္ထုတိုများ ygn.coop.college@gmail.com သို့ ပေးပို့နိုင်ပါသည်။
“ကားပြင်တုန်း ကတော့ ဒီလောက် ကုန်လိမ့်မယ်လို့ မထင်မိဘူး အဖေ။ သံချေး လိုက်နေတဲ့ ကားဘော်ဒီက ကြွတဲ့ နေရာကကြွ၊ ဆေးကွာတဲ့ နေရာကကွာ၊ အဲဒီလို ဖြစ်နေတော့ မပြင်မဖြစ်ပေဘူး ဆိုပြီးပြင်လိုက်မိတာ အဖေရယ် လက်ထဲက ငွေနဲ့ မလောက်ဘဲ ဖြစ်နေ တာမို့ ကိုကြီးဆီက ငွေဆယ်သိန်းလောက် ခဏ လှည့်ပေးဖို့ ဖေဖေ ပြောပေးပါလား။ သား ကိုယ်တိုင် သွားပြောရင် မမလှိုင်က သိပ် အကင်း ပါးတာ တစ်ခုခု အကျပ် တွေ့နေလို့ လာအပူကပ် တာပဲ ဆိုပြီး ကိုကြီး အနားကကို ခွာတော့မှာ မဟုတ်ဘူး။ ပိုက်ဆံ ချေးမယ့် ကိစ္စ သူ့ရှေ့သွား စကားစလိုက် တာနဲ့ သူ့အိမ်မှာ ပိုက်ဆံ ကျပ်တာ၊ မလောက်ငတာ ငွေမလည်ဘဲ ဖြစ်နေတာဆိုပြီး စကားကို ပိတ်ပြောမှာ အသေအချာပဲ အဖေ” အဖေ လုပ်သူထံ ဖုန်းဆက် ပြောနေပါသည့် သား အငယ်ကောင်၏ အသံကလည်း တကယ့်ကို စိတ်ညစ်နေသံ။ ဦးဖေငယ် စိတ်ထဲမကောင်း။ ဟုတ်တော့လည်း ဟုတ်သည်။ အကြီးကောင်က မယား အရိပ်အကဲ အလွန်အကြည့်ကောင်း။
ပိုက်ဆံ ချေးငှားသည့် ကိစ္စက ဘေးတစ်စိမ်းက ပြောတာ ဆိုလျှင်တောင် ခက်ချင်မှ ခက်မည်။ ညီအစ်ကိုချင်း ချေးတာမျိုး ဆိုလျှင်တော့ ချွေးမ မိလှိုင် ပို၍ စိတ်ပူမှာ သေချာသည်။ ပြန်မဆပ်လျှင် ညီအစ်ကိုချင်း ကိစ္စ ဆိုတော့ ပြောရကျပ်သည် မဟုတ်ပါလား။ တစ်အိမ်တည်း အတူ နေရ သည်မို့ ကိုယ့်ချွေးမ အကြီး အကြောင်း သိသည်ပေါ့။ စေ့စေ့ငုငု အလွန်လုပ်သည့် ချွေးမ။ ဈေးဝယ် ပြန်လာ လျှင်တောင် မှ ပိုပိုလျှံလျှံ အဖြစ်ခံတာ မဟုတ်။ ခြစ်ခြစ်ကုတ်ကုတ် ၀ယ်သည်။ ကတ်ကတ်သတ်သတ် ချက်သည်။ အိမ်ထောင်သက် ဆယ့်နှစ် နီးပါး ရှိပြီ ဖြစ်ပေမယ့် သားသမီးကလည်း မထွန်းကားသေး။ ယောက္ခမ ဖြစ်သည့် သူနှင့် ကိုယ့်ခင်ပွန်းသည် အပြင် ကိုယ်ပါမှ သုံးယောက်တည်း ရှိသည့် အိမ်ထောင် ဖြစ်ချေသည့် အတိုင်း ဟင်းအိုး သေးသေးလေးနှင့် ချက်သည်။ ထမင်း ပိုပင် သိပ်မကျန်အောင် ချက်သည်။ အိမ်မှာ အပို ကျွေးစရာ ဆို၍ ခွေးနှင့် ကြောင်ပင် မွေး မထား။ ဤသို့သော ချွေးမ။
“ကိုကြီးက အင်ဂျင်နီ ယာကြီးပဲ အဖေရာ ဆောက်လိုက်ရတဲ့ တိုက်တွေ အလုပ် အပ်ကြတာ နည်းမှ မနည်းတာ။ ပိုက်ဆံ လွယ်ပါတယ် အဖေ။ သားမှာက ထွေးထွေး ကလည်း အလုပ်ရှိတာ မဟုတ်ဘူး။ ကလေးကလည်း လေးယောက်။ ဆင်းရဲသား ရပ်ကွက် တစ်ခုမှာ ဆေးခန်းဖွင့် နေရတဲ့ ဆရာဝန်ဆိုတော့ အဖေ တွေးကြည့်ယူပါ အဖေ။ မြို့လယ်ကောင်မှာ ဆေးခန်း ဖွင့်ဖို့ ဆိုတာက ပိုက်ဆံရှိမှ။ ပြီးတော့ သမားတော်ဖြစ်မှ။ သားက ရိုးရိုးဆရာဝန်ပါ အဖေ။ ရသမျှထဲက စုဆောင်းတာလေးတော့ အတန်အသင့် ရှိပါတယ် အဖေ။ ဒါပေမယ့် ကားပြင်တော့ မလောက်မင ဖြစ်လာလို့ပါ။ အဖေ့ကို သားကိုယ်တိုင် လာပြောရင်လည်း အဲဒီ အိမ်မှာပဲ မမလှိုင် ရှေ့မှာပဲ ပြောရမှာမို့ ဖုန်းနဲ့ ပြောရတာပါ အဖေရယ်။ ပြောပေးပါနော် အဖေ။ ကိုကြီးက သဘော ကောင်းပါတယ်။ မမလှိုင် မသိအောင် ငွေချေး လိုက်ရင် ပြဿနာ မဖြစ်ပါဘူး။ သားကလည်း ပြန်ဆပ်မှာပါ”
တတွတ်တွတ် ပြောနေသံသည် တိုးဖွဖွ နိုင်နေလျက် ငိုသံပင် မစို့မပို့လေး ပါလာနေပြီ။ သားငယ် စိတ်ထိန်း ထားဟန်တူသည်။ မထိန်းနိုင် ရှာ၍ ငိုသံပါလာတာ ဖြစ်မည်။ ဦးဖေငယ် ရင်ထဲ မကောင်းတော့ပြီ။ မျက်ရည် စို့လာ၏။ ကိုယ်မှာလည်း ပိုက် ဆံအပိုရယ်လို့ ရှိတာမဟုတ်။ ပင်စင်စား တစ်ယောက်ပေပဲ လေ။ ပင်စင် ယူစဉ်က ရလိုက်သည့် အထဲမှာ လက်ကျန်ငွေ အဆုပ်အခဲ ဆိုတာကလည်း ဘဏ်မှာ စုထားသည့် ငါးသိန်းတော့ ရှိသည်။ ဤသည်ကလည်း လှူချင်လျှင် လည်းလှူ။ ကိုယ့်နာရေး ကိစ္စ ပေါ်လာလျှင်လည်း သုံးတန် တာသုံးဖို့ ချန်ထားသည့်ငွေ။ နာရေး ဆိုသည့်ထဲမှာ နေမကောင်း ဖြစ်တာလည်း ပါသည်။
သေသွားမှာလည်း ပါသည်။ ကိုယ်သေလျှင် မြေချဖို့ ကိစ္စ မပူရဖို့ ဆိုတာက ငွေရှိတော့ ပိုသင့်မည်ဟု နား လည်ထားသည်မို့ သားနှစ် ယောက်အပေါ် အပူအပင် တာဝန်တွေလည်း မချန်ခဲ့ချင်သည့် ဦးဖေငယ်။ အသေ ကိစ္စ အတွက်ပါ ဘဏ်မှာ ငွေလေးချန်ချန် စုစုလုပ်ထားရ ပါ၏။ မတော်၍များ နေထိုင် မကောင်း ဖြစ်လာလျှင် ငွေလိုသဟဲ့၊ ဆေးဝယ်မဟဲ့ ဆိုတာတွေဖြစ်လျှင် ဘဏ်ကငွေထုတ် သုံးဖို့ အကြီးကောင်ကို ပေး လိုက်ဖို့ပဲ ရှိသည်။ ကိုယ်သေ လျှင်လည်း ဤသို့နှင်နှင်...။
ခုကိစ္စက ငွေဆယ်သိန်း ဖြစ်နေသည်။ ကိုယ်ကလည်း တစ်လုံးတစ်ဝ ပြည့်ပြည့်အင့်အင့် မပေးနိုင်။ ဒီတော့ အကြီးကောင် ဆီက တကယ် ပဲ ကြားက ပါးစပ်အငှား လိုက်ပြီး အငယ်ကောင် အတွက် ငွေချေးဖို့ ပြောပေး လိုက်လျှင် ကောင်းချေမည်လား။ ဒါပေမယ့် သားအဖချင်း ကိစ္စ ဆိုပေမယ့် ချွေးမ ရှိသည်။ မိလှိုင် ကြည်ဖြူဖို့ ဆိုတာ အတော်ကြီး ခက်မည့် ကိစ္စ။ ဒါကိုတော့ သိနှင့် နေသည်မို့ ခုထိ ဦးဖေငယ် နှုတ် ဆွံ့နေသည်။ အငယ်ကောင် ကို ကတိမပေးရဲ။ အာမ မခံ ၀ံ့။ ရစေမယ်ဟု ပြောပေးပြီးမှတော့ တကယ်ရမှလည်း ကောင်းမည်လေ။
“ထွေးထွေးကလည်း ပြောရှာ ပါတယ်လေ။ အမေ့ လက်ဝတ် လက်စားတွေမို့ မဖျက်ဆီး ရက်ဘူးတဲ့။ အမေ့ လက်ဝတ် လက်စားတွေ ကလည်း ရှေးစိန်တွေ မဟုတ်လား။ အပေါင် အပြုတောင် မလုပ်ရဲဘူးတ အဖေ။ မတော် စိန်တွေကို လဲပစ်လိုက်ရင် ဘယ့်နှယ့် လုပ်မလဲတဲ့။ အမေ့ လက်ဝတ် လက်စားတွေကို အဖေ့မြေးတွေ မင်္ဂလာဆောင်တဲ့ အခါမှ ခွဲဝေပြီး လက်ဖွဲ့မှာတဲ့ အဖေ။ ထွေးထွေးက အမေ့ ပစ္စည်းတွေကို အဲသလောက် တန်ဖိုးထားပြီး မြတ်နိုး ရိုသေတာ အဖေ”
အငယ်ကောင် စကားကြောင့် ဝေနေ ထွေနေသော စိတ်သည် ကွယ်လွန်ခဲ့သော ဇနီးသည် သူတော်ကောင်းမကြီး အေးဆီသို့ လွင့်၏။ မအေးခက် ဆိုသည့် အမည်ကို အေး ဟူ၍ အဖျားဆွတ်ကာ ချစ်၍ ခေါ်ရပါသော ဇနီးသည်။ အိမ်ထောင် ကျသည်မှ ကွယ်လွန်ချိန် အထိ ခင်ပွန်းသည် အပေါ် ရိုသေ ကြည်ညိုသည် နှင့်အမျှ သစ္စာရှိစွာ၊ မြတ်နိုးစွာ မယား တာဝန် ကျေပါသော ဇနီး။ အကြီးကောင် အိမ်ထောင်ပြုတော့ ခင်ပွန်းသည်နှင့် တိုင်ပင်ကာ နေထိုင်ရာ အိမ်ကို လက်ဖွဲ့ ခဲ့ပါသော မအေးခက်။ အငယ်ကောင် အိမ်ထောင် ပြုတော့လည်း စိန်ထည် လက်ဝတ်လက်စား တစ်ဆင်စာကို လက်ဖွဲ့ခဲ့ပါ လေသော အေး။ သားကြီး သားငယ်ကို မျှမျှတတ ချစ်ခဲ့ ပါသော သားတို့၏ အမေ။ အသက်လည်း မရှည်ရှာသော အေး။ အသက် ငါးဆယ့်လေးနှစ် အရွယ်မှာပဲ အေးဆုံး ခဲ့ရှာသည်။ အငယ်ကောင်၏ သား အောင်ကိုဦး တစ်ယောက်ကိုသာ ပွေ့ချီခွင့် ရ သွားရှာသည်။
ခု အငယ် ကောင်မှာပင် ကလေး လေးယောက် ထွန်းကားပြီ။ မြေးတွေ ချစ်ဇောဖြင့် တစ်ပတ် တစ်ခါတော့ အငယ်ကောင် အိမ်သို့ ဦးဖေငယ်ရောက် သည်။ မြေးတွေနှင့် တစ်ည အိပ်သည်။ မနက်ဘက် ကော်ဖီသောက်၊ မုန့်လေး ဘာလေးစားပြီး ဘတ်စ်ကား စီး၍ အိမ်ပြန်သည်။ ဒါ အပတ်စဉ် ကိစ္စ။ မအေးခက် ရှိစဉ်တုန်းကတော့ မအေး ခက်လည်း ဘေးက ပါသည်ပေါ့။ ခုကျတော့ တစ်ယောက် တည်းသွား။ တစ်ယောက် တည်းပြန်။ ဘက်စ်ကားနှင့် သွား။ ဘက်စ်ကားနှင့်ပြန်။ အငယ်ကောင်မှ ကားဖြင့် မကြိုတာ။ မပို့တာကို ချွေးမကြီး မိလှိုင်ကတော့ မြည်တွန်ချင်သည်။ မအားရှာ ပေဘူးလေကွယ်ဟု မအေး ခက်ရှိစဉ်တုန်းက ပြုံးစကား ဆိုခဲ့သည်။ ခုကျတော့လည်း ထိုစကားမျိုးကိုပဲ ဦးဖေငယ် ပြောသည်ပါပဲ။ ခု အငယ်ကောင်၏ ကားပြင်သည့် ကိစ္စ၊ ငွေလိုသည့်ကိစ္စ၊ အချေး အငှားစကားကို ဖုန်းဖြင့် ပြောလာပြီ။ ပြီးခဲ့သည့် တနင်္ဂနွေနေ့က အငယ်ကောင် အိမ်သို့ ရောက်ခဲ့သည်ပဲ။ ညအိပ်ခဲ့သည်ပဲ။ ကားက အိမ်မှာ ရှိနေသေးသည်။ ကားက အတော်ကြီး မီးခိုးလိုက် နေသည်။ အိပ်ဇောပိုက်မှ အူထ နေအောင် ထွက်သည့် မီးခိုး။
“အင်ဂျင်ကလည်း ကိုင်ရမယ် အဖေ၊ ကားကမပြင် လို့မဖြစ်တာနဲ့ ပြင်ရတာပါ။ သားလည်း ဆေးခန်းကို ဘတ်စ်ကားနဲ့ လောလော ဆယ်မှာ သွားနေရတယ် အဖေ။ အဲဒါ ကားဖာတာ၊ ဆေးမှုတ်တာ၊ အင်ဂျင်ကိုင် တာတွေ အမြန် လုပ်ပေးဖို့လည်း အားဂျင်းဖီးစ် ပေးရတယ် အဖေ။ ကားမရှိတော့ သား ဆေးခန်း သွားရတာ အလွန် ကသီပါတယ် အဖေ။ လူနာတွေက ဆေးခန်းမှာ ကြိုရောက် နေရပြီ။ အဲဒီလို ဖြစ်နေတာ” လူနာတွေတော့ များပုံရသည်။ လူနာတွေက စောင့်နေ ရသည်တဲ့။ ပြောသည့်အထဲမှာ ပါလာပြီ။ အားနာသည်တဲ့။ အေးလေ ဒါကြောင့်လည်း အတန်အမျှတော့ စုထား ဆောင်းထားရ နိုင်ချေသည်ပေါ့ ဟုတွေးဖြစ် ပြန်သည်။ ငွေဆယ်သိန်း ကိစ္စ နှုတ်ကတော့ ဆွံ့နေဆဲ။
“သား မျက်နှာငယ်တယ် အဖေ။ သားက မိန်းမအိမ် လိုက်နေရတာ။ စီးနေတဲ့ ကားကလည်း မိန်းမ မိဘတွေ ချန်ခဲ့တဲ့ကား။ ဒါတောင်မှ ထွေးထွေးက တစ်ဦးတည်းသော သမီးမို့ ဘယ်သူမှ အမွေ ခွဲတာတွေ မရှိလို့သာ ဒီလို အိမ်နဲ့ကားနဲ့ နေဖြစ်တာပါ။ မိန်းမဘက်က ရတဲ့ ကားနဲ့ အလုပ်သွား အလုပ်ပြန် နေရတာကို သားလိပ်ပြာငယ်တယ် အဖေ။ ခု ကားတစ်စီး ၀ယ်ပေးဖို့ နေနေသာသာ ကားပြင်ခတောင် မတတ်နိုင်ဘဲ ဖြစ်နေတော့လည်း သား ရင်ထဲ အနေခက်တယ် အဖေ။ ထွေးထွေးက ပြောတယ်။ ကားမပြင် နိုင်တော့ ရင်လည်း ရောင်းပစ် လိုက်ပါ တော့တဲ့။ သူလည်း စိတ်ထဲ ကောင်းပုံ မရပါဘူး။ သူ့မိဘရဲ့ချန်ခဲ့တဲ့ အမွေပစ္စည်းပဲ။ မြတ်နိုး ရှာမှာ” ဟု စကားကုန်ပြော လာတော့ ဦးဖေငယ်ရင်ထဲ ဆို့လာသည်။
သြော်... မယားအိမ် တက်နေ ရသည် တဲ့လား။ မယားဘက်က ပါသည့် ကားကို စီးနေရသည် တဲ့လား။ သိမ်ငယ်ရှာသည့် ဘ၀ကို သားငယ် အပေါ်မှာ အပ်နှံ ပေးလိုက်သည့်နှယ် ခံစားရ ပြန်သည်။ စုဆောင်း ထားသမျှ ငွေတွေထဲက အကြီးကောင်ကို အင်ဂျင်နီယာကြီး ဖြစ်အောင်၊ အငယ်ကောင်ကို ဆရာဝန်ကြီး ဖြစ်အောင် အတွန့်အတို မရှိ၊ အားလုံးပုံ၍ သုံးခဲ့တာ လောက်ပဲ ကိုယ့်ဘက်က တာဝန်ကုန် လုပ်ခဲ့ သည်ကိုး။ ပေးချင် သည်ပေါ့။ သားနှစ်ယောက်ကို ငွေတွေ၊ အိမ်တွေ၊ ကားတွေ တစ်ခုတည်း မဟုတ်။ အိမ်လေးငါးလုံး၊ ကားလေးငါးစီး၊ လက်ဝတ် ရတနာတွေ လေးငါးမျိုး တစ်ဆင်စာတွေ ပုံအော၍ လက်ဖွဲ့ချင်သည်ပေါ့။ ဌာန တစ်ခုမှ အရာရှိတစ်ဦး အဖြစ် ရိုးရိုးသားသား နေခဲ့သည်။ စုဆောင်းခဲ့သည်။ ရှိသည့် အထဲမှ သားတွေကို ခွဲဝေ ပေးခဲ့သည်။ ဤမျှပဲ တတ်နိုင်သည့် အဖေကြောင့် သားများမှာ မျက်နှာမလှ ဖြစ်ရချေ ပြီတဲ့လား။ ဖျတ်ခနဲ မအေးခက်ကို မြင်သည်။ ရှိရှာလျှင်ဖြင့် ငိုပေလိမ့်မည်။ ခုလို တစ်ယောက်တည်း ရင်ဆို့နေ သည့်ခံစားချက်မျိုး မအေးခက် ခံစားလိုက်ရတာကို ပြန်၍ ဖြေယူနိုင်ဖို့ အားအင်ကို မွေးယူ မိပြန်သည်။
“အဖေ ပြောကြည့်မယ် သားငယ်၊ ဒါပဲ မဟုတ်လား၊ အဖေ ဖုန်းချလိုက် တော့မယ်။ မြေးတွေ နေကောင်းရဲ့မဟုတ်လား။ သားက ဆရာဝန်ပဲလေ။ ဂရုတစိုက် အမြဲ ရှိနိုင်တာပဲ ဟုတ်လှပါပြီ။ ဆရာဝန် သားသမီး ဖြစ်ရတာ ကံကောင်းကြပါ တယ်ကွယ်” ဟုပြောတော့ နေကောင်းကြပါတယ် အဖေ ဆိုသည့် အသံက အတန်မျှတော့ တက်ကြွသံ ပါလာသည်။ ငွေချေးသည့် ကိစ္စ ပြောပေးမည် ဆိုတာကြောင့်ပဲ ဖြစ်ချေမည်။ အဖေ နေကောင်းရဲ့လားဟု မေးဖို့ ဆရာဝန်ဖြစ်သည့် အငယ်ကောင် မေ့နေပုံရသည်။ ကားပြင်ဖို့ လိုနေသည့် ငွေဇောကြီးသည် ကြီးမားသော သောက တောင်ထုကြီး အဖြစ် သားငယ်၏ ဦးနှောက်ကို ဖို့အုပ် ထားပုံ ရပါ၏။ တယ်လီဖုန်းကို ခပ်လေးလေး ချလိုက်ကာ ဧည့်ခန်းမှာ ခပ်ငိုင်ငိုင် ထိုင်သည်။ ချွေးမတော် မိလှိုင်ကတော့ ဈေးသွားနေသည်။ မရှိတာပဲ ကောင်းသည်။
အကြီးကောင် အလုပ် မသွားသေး။ အိမ်ကိုပြန်၍ ပြင်ထားသည်မို့ ယခင်က လျှာထိုးခင်း၊ လျှာထိုးကာ၊ သွပ်မိုးနှစ်ထပ် ပျဉ်ထောင် အိမ်ကြီးသည် သင်္ဘောဆေး ရောင်သစ်သစ် လွင်လွင်ဖြင့် ရှိနေသည်။ ဆင်ဝင်တစ်ခု ထပ်ချဲ့တိုးထားတာမို့ ဟန်ပန် တင့်တင့် ထည်ထည်တော့ ဖြစ်နေသည်။ ၀န်ထမ်းဘ၀က ၀ယ်ထားသည့် မြေနှင့် ဆောက်ခဲ့သည့် အိမ်။ အတန်မျှ ကျယ်သည့် ခြံထဲမှာ မန်ကျည်းပင်၊ မာလကာပင်၊ သံပရာပင်နှင့် ဆီးတော်ပင် တို့ရှိသည်။ ပြီးတော့ အေး စိုက်ခဲ့သည့် ပန်းပင်တွေ။ ခုတော့ ချွေးမ မိလှိုင်ထပ်၍ စိုက်ထားသော ပန်းတွေဖြင့် ခြံသည် သံပန်းခတ် ခြံစည်းရိုးတွေ ဘာတွေနှင့် သပ်သပ် ခပ်ခပ်တော့ ရှိနေသည်မှာ ပါပဲ။ လှလှပပဖြစ်နေသည် ပါပဲ။ အရင်တပ်ထားသည့် မှန်ကြည်ပြတင်းတွေ နေရာ မှာ ရောင်စုံမှန်ပြတင်းတွေ ဖြစ်နေတာမို့ အိမ်ဟောင်း သည် အိမ်သစ်နှယ်ပင် ဖြစ်နေချေ၏။ အကြီးကောင် အိမ် ပေါ်မှ ဆင်းလာတာမို့ ကမန်းကတန်း ဦးဖေငယ်ထရပ်သည်။ သား၏ မျက်နှာကြည်ကြည် သာသာ ရှိနေသည်။ ပြော၍ ဆို၍တော့ ဖြစ်နိုင်ချေမည် ထင့်။
“သားကို အဖေ ပြော စရာလေးရှိလို့ သားရယ်၊ ခြံထဲ ခဏ ဆင်းထိုင်ကြတာပေါ့”
ဆင်ဝင်အောက်မှာ ရပ်ထားသော မနေ့ကမှ ၀ယ်ထားသည့် စူပါဆလွန်းကား လေးသည် လက်တောက်နေ၏။ အငယ်ကောင်၏ ကားက လက်အို လက်ဟောင်း။ အကြီးကောင် စီးပွား လိုက်၍ အလယ်အလတ် ကားထဲက သန့်သန့်လေး တစ်စီးကို ရလိုက်တာမို့ ဦးဖေငယ် ၀မ်းသာသည်။ အငယ်ကောင်ကိုလည်း ကားသစ် မ၀ယ်နိုင် သော်မှ ကားဟောင်းလေး တော့ ပြင်စီး နိုင်စေ့ချင်သည်။ ဆေးလေးဘာလေး အသစ်သုတ်၊ အင်ဂျင်လေးကောင်း နေလျှင်တော့ဖြင့် ကားအိုကား ဟောင်းလေးသည်လည်း ကားအလယ် အလတ်တန်း စားလေးလောက်တော့ ကောင်းသွားချေမည်ပေါ့။
“တကယ်ဆို မောင် အဲဒီလို ငွေထုတ်ချေးမယ်ဆိုရင် လှိုင့်ကိုတော့ ကြိုပြီး တိုင် ပင်သင့်တာပေါ့မောင်။ ခုကျတော့ အဖေက ပြောလိုက်တာနဲ့ အလွယ်တကူ ထုတ် ပေးလိုက်တာကိုက မဟုတ် သေးတာ”
“အခန်းထဲပြောတာဆို ပေမယ့် အဖေ့အခန်းက ဟို ဘက်မှာပဲရှိတာ လှိုင်၊ အဖေ ကြားသွား ပါ့မယ်ကွယ်။ အဖေ ဘယ်တုန်းက ငွေရေး ကြေးရေးကိစ္စ ပြောဖူးလို့လဲ။ ဒီတစ်ခါပဲ ပြောရှာတာပါ လှိုင်ရယ်”
“အို အဖေ့ အတွက်ဆိုရင် ထားပါ။ ခုကိစ္စက ကိုငယ် အတွက် ဖြစ်နေတာပဲ မောင်။ လှိုင်က ပိုက်ဆံစုနေတာ။ အိမ်ကို တူတူတန်တန် ဆောက်နိုင်ဖို့၊ ရွှေဝယ်ဖို့၊ နောက်ထပ် အမြင့်ကားတစ်စီး လဲနိုင်ဖို့ စုနေတာ။ အိမ်မှာ ချွေချွေတာတာစား၊ မောင့်ကိုသာ လူကြားထဲမှာ ဟန်ပြည့် မာန်ပြည့် သိက္ခာ ပြည့်နိုင်အောင် အ၀တ်အစားက အစ ဘယ်လောက် တန်ဖိုးကြီးကြီး ၀ယ်ဆင်တာ။ လှိုင်က လူသူတိုးနိုင်ရုံ၊ အမြင့်တင် နိုင်ရုံပဲ ၀ယ်ဝတ်တာ။ အဲဒီလောက် ချွေတာပြီး စုရဆောင်းရ လုပ်နေတဲ့ အချိန်မှာ လှိုင့်ကို အပ်ရမယ့် ငွေတွေထဲက ဆယ်သိန်းကို မောင်မို့ မမေးမစမ်း သွားပြီး အဖေ့ကို ပေးရက်တယ် မောင်။ အဖေ့ကို ဘယ်လောက်များ ကိုငယ် ညည်းပြနေမှန်းမှ မသိတာ။ အဖေက ရိုးတော့ ပြောပေးတာ ဖြစ်မှာပေါ့။ ညီအစ်ကိုချင်း ချေးတဲ့ငှားတဲ့ ကိစ္စ ပြန် မရတော့ တရားတဘောင် ဖြစ်ကောင်းတာမှ မဟုတ်တာ၊ ဆုံးရုံပဲ ရှိမယ်”
တဖျစ်တောက်တောက် ပြောနေသံသည် မနက် လေးနာရီလောက်မှာ ဖြစ်နေသည်။ ဦးဖေငယ် ရင်ထဲ မွန်းကျပ်နေ၏။ အငယ်ကောင် ချေးထားသည့် ငွေ ဆယ်သိန်း ဆိုတာ ကလည်း ခြောက်လထဲ ရောက်လာပြီ။ မိလှိုင် စိတ်သောက ဖြစ်မည် ဆိုလည်း ဖြစ်ချိန်သင့်ပြီ။ ကားဆေးရောင် လွင်လွင် သစ်သစ်ဖြင့် အငယ်ကောင် ကားတ၀ီဝီ မောင်းနေတာပဲ ကြာလှပြီ။ ဆေးခန်း သွားလိုက် ပြန်လိုက်ဖြင့် ရသမျှထဲက စုဆောင်းထားသည် ဆိုလျှင်လည်း တချို့ တစ်ဝက်လောက် တော့ခွဲ၍ ဤဆယ်သိန်းသော ကြွေးကို တန်သလောက်တော့ ဆပ်သင့်ပြီ။ ခုက ငြိမ်နေသည်။ တစ်ဖက်က အေးစက် ငြိမ်သက်လျက် အကြောင့်အကြ ကင်းနေချိန် မှာ တစ်ဖက်က မနေနိုင် မထိုင်နိုင်ဖြစ်အောင် စိတ်တွေ ကြောင့်ကြ ပူပန်နေရပြီ။
ခုလည်း မနက် လေးနာရီလောက် အများ အိပ်မောကျ နေချိန်မှာ အစောကြီး နိုးနေလျက်၊ ချေးလိုက်သည့် ငွေဆုံးမှာ ကြောက်သည့်ဇောသည် အကြီးကောင်တို့ လင်မယားကို အုပ်မိုး နှိုးနေ ချေပြီထင့်။ ပိုဆိုး သည်က ချွေးမ မိလှိုင်။ မိန်းမသားပေ ပဲလေ။ ပူပန်ရှာ မှာချေမည်ပေါ့။ ငွေကလည်း နည်းသည်မဟုတ်။ ဆယ်သိန်း။ ဤဖြစ်ရသည့် ကိစ္စမှာ ကိုယ်ကလည်း တာဝန်မကင်း။ ကိုယ့်ပယောဂ မကင်း။ တာဝန် အရှိဆုံးလူသည် အငယ်ကောင်ဖြစ်ဖို့ သင့်တာ မှန်ပေမယ့် ကိုယ်က ပြောပေး၍ အငယ်ကောင်က ပိုက်ဆံ ရသွားခြင်းပေမို့၊ ပိုက်ဆံ ပေးဖြစ်အောင် အကြီးကောင်ကို ပြောပေးမိသည့် ကိုယ်ကပဲ တာဝန် အရှိဆုံးလူ ဖြစ်နေသည်။ ခုတစ်လော ချွေးမကြီး ဖြစ်သူ မျက်နှာ မကောင်း။ ဦးဖေငယ်ကို စကားပင် ဟက်ဟက်ပက်ပက် မပြောချင်။ မျက်နှာခပ် ညိုညို ဖြစ်နေတာ မဟုတ်။ ခပ်ညို့ညို့ ဖြစ်နေတာ ကြုံနေ ရသည်။ ကြာတော့လည်း တစ်အိမ်တည်း နေနေရတာမို့ နေရခက်သည်က ဦးဖေငယ်။
“အဲဒီလိုလည်း စကားကို အဆုံး မပြောနဲ့လေ။ အကယ်၍ တကယ်ပဲ ညီလေးက ပိုက်ဆံ ပြန်မပေးလို့ ဆုံးသွားရရင်လည်း ညီအစ်ကိုချင်းပဲ လှိုင်ရယ်။ ဘာဖြစ်လဲ မောင်က အကြီးပဲ။ ညီကို စောင့်ရှောက်ရမယ့် တာဝန်တောင် ရှိသေးတယ်။ ပြီးတော့ ခုတစ်လော လှိုင်အဖေ့ကို စကားပြောတာဆိုတာ သိပ် မကြည်လင်တာလည်း မောင် မြင်နေရတယ်။ မလုပ် ပါနဲ့ လှိုင်ရယ်။ အဖေက အတူ တူနေနေရတဲ့သူပါ။ နေရ ခက်ပါလိမ့်မယ်။ ပြီးတော့ မောင်တို့နေနေတဲ့ အိမ်က အဖေ့အိမ်ပါ။ အဖေနဲ့ အမေ လက်ဖွဲ့ခဲ့တဲ့အိမ်ပါကွယ်။ မောင်တို့နဲ့ အတူတူနေရင်း အသက်ကြီးမှ အဖေ စိတ်ထဲ သိမ်ငယ်သွားမှာ မောင် စိုးရိမ်တယ်”
“သြော်... သြော်... ကိုယ့်ညီဆိုတော့ ပြောပေး တယ်ပေါ့။ ပိုက်ဆံဆုံးလည်း ဆုံးပါစေပေါ့ ဟုတ်လား။ လိုက်လည်းလိုက်တဲ့ သားအဖ ပေပဲမောင်။ အဖေလုပ်သူ ကလည်း ချေးဖို့ ငှားဖို့ ပြော ပေးလိုက်တာ တစ်ခုပဲရှိ တယ်။ ပိုက်ဆံ ပြန်ဆပ်ဖို့ကျ တော့ သားအငယ်ကို မပြော ပေးတော့ဘူး။ သူ့ဘက်က တော့ ဘာထူးနေလို့လဲ။ ဟို ဘက်ကလည်း သားပဲကိုး”
“အသံက ပိုကျယ်လာပြီ လှိုင်။ အဖေ ကြားပါမယ်ကွာ။ လူကြီးဆိုတာ အအိပ်အနေ နိုးဆတ်တယ်။ နိုးသွားပါမယ် လှိုင်ရာ။ ပိုက်ဆံရှာတာ မောင်ပါလှိုင်။ မောင်ပင်ပန်း ပြီးရတဲ့ ပိုက်ဆံ မောင့်ထက်ပို ပြီး လှိုင် ၀င်မနှမြောနေ ပါနဲ့။ မောင်ပြောထား တယ်နော်၊ ဒီ အိမ်ဟာ အဖေတို့ ပေးတဲ့အိမ်။ အဖေ့အိမ်မှာ မောင်တို့ နေနေ ကြတာ။ အဲဒါကို မမေ့နဲ့”
“သြော်... အဲဒါ လက်ဖွဲ့ ပေးလိုက်တာလေ။ ကိုငယ့် ကိုရော အမေ့စိန်တွေ လက်ဖွဲ့ လိုက်တာပဲ မဟုတ်လား။ ဒီကာလ ဈေးနဲ့ဆိုရင် အဲဒီ စိန်တစ်ဆင်စာဟာ နည်းတဲ့ တန်ဖိုးလား။ သူ့ကားပြင်တာ သူ့စိန်တွေ ထုတ်ပါလား။ အိမ်က ပိုက်ဆံကို ကြေးတန်း ထိုးပြီး ဘာလို့ ယူကြရတာ တဲ့လဲ။ လှိုင် ဖွင့်မပြောချင် လို့ ကြည့်နေတာ သိရဲ့လား။ လှိုင့်မှာ ရင်သွေးရှိတာမဟုတ် ဘူး။ အဖေကအစ ဟိုဘက် က မြေးတွေဆီ သွားသွားပြီး အိပ်ရတာနဲ့၊ မြေးတွေ အတွက် မုန့်ဝယ်သွားရတာနဲ့၊ မောင်ရှာတဲ့ ပိုက်ဆံ အဖေ့ကို ပေးတာ မပြောချင်ပေမယ့် အဲဒီ ပိုက်ဆံနဲ့ မြေးတွေ အတွက် ဆိုပြီး ၀ယ်သွားတဲ့ မုန့်ဆိုတာ ဟိုလင်မယား လည်းစားဖို့ ၀ယ်သွားတာပဲ မဟုတ်လား။ ဟိုက အပြန် တစ်ခုခုများ လှိုင့်အတွက် ဆိုပြီး မှတ်မှတ်ရရ အဖေ ဘာဝယ်လာ ဖူးလဲ။ မောင့်ရှာစာနဲ့ ဟိုက သား၊ မြေး၊ ချွေးမကို သာ ၀ယ်ဝယ်ကျွေးတာ။ မောင့်မယားကို ကျတော့ ၀ယ်ကျွေးရမှန်း မောင့်အဖေ ဘယ်တုန်းက တွေးဖူးသလဲ၊ ဟင်... လှိုင်ချက်ကျွေးတာ ကို လက်ဆေးစား။ ပန်းကန်ကအစ ဒီတိုင်း ချန်ထားခဲ့ပြီး စည်းစိမ်နဲ့ နေနေတာက ဒီအိမ်မှာ။ သွားပြီး ကျွေးဟယ်၊ မွေးဟယ်နဲ့ နေနေတာ က ဟိုအိမ်”
“လှိုင် မပြောနဲ့လို့ ဆိုတာ မရပ်ဘူးလား”
“အို... ပြောလက်စနဲ့ ပြောတော့မှ ဖြစ်မယ်မောင်။ မျိုသိပ်နေတာ ကြာလှပြီ။ ဒီ အိမ်ကလည်း လှိုင်တို့လက်ထဲ စရောက်တုန်းက ဘာရှိလို့လဲ။ ပျဉ်ထောင် အိမ်အို အိမ်ဟောင်းကြီး တစ်လုံး။ အထဲမှာလည်း တူတူ တန်တန်ရယ်လို့ ပရိဘောဂ ကောင်းကောင်း ရှိလို့လား။ အခေါင်းချည်းသက် သက်ရှိတဲ့ အိမ်အိုကြီးတစ်လုံး ပါ။ လှိုင်နဲ့မောင် ကံစပ်လို့ ၀င်ငွေကောင်းလို့ အိမ်ထဲလည်း ပရိဘောဂရယ်လို့ တူတူတန်တန် ဖြစ်လာရတာ။ အိမ်လည်းဆေးသုတ်ပြင်ဆင်၊ ကားလည်းရှိလာရတာ။ မောင့်ကိုကျတော့ အိမ်အိုကြီး တစ်လုံးပေးပြီး သူတို့လည်း နေကြတယ်။ ဟိုဘက်ကို ကျတော့ ရွှေတွေ ထည်နေအောင် ပါတဲ့ စိန်ထည်တွေ ပေးလိုက်တာ။ မောင့်မိဘတွေကလည်း သားငယ်ဆိုပြီး ဟိုဘက်ပါတယ်။ ပြီးတော့ အိမ်မှာကျတော့ အစက မောင့်အမေနဲ့ အမေတွေပါ တင်ကျွေးထားရတာ။ အခု လည်း မောင့်အဖေကို တင်ကျွေး နေရသေးတာပဲ။ လူတစ်ယောက် စရိတ်တောင်မှ ကိုငယ်တို့ဘက်က ခံချင်လို့လား။ သူ့ကိုလည်း ဆရာဝန် ဖြစ်အောင် သင်ပေးခဲ့တာပဲ။ အဖေတို့မှာ ဟိုတစ်လှည့် ဒီတစ်လှည့် နေတာမျိုးတောင် မရှိခဲ့ဘူး။ ခုလည်း လှိုင်ချက် ကျွေးတာစားပြီး ဟိုကို အလည်သွား၊ ဟိုကိုကျွေးမွေး နေတာ မောင့်အဖေပါ မောင်။ အဲဒီအပြင်... ငွေဆယ်သိန်း လည်း ဆုံးရပြီ”
“ဟာ... ဒီမိန်းမ... ငါ့ အဖေကို ပြောတာ ဒီလောက် ပစ်ပစ်ရက်ရက် ရှိရသလား။ အဲဒါ ငါ့အဖေကွ”
အုံး ဒိုင်းနှင့် အသံတွေ ကြားရသည်။ ရိုက်ပြီဆိုတာ ဦးဖေငယ် သိသည်။ မဖြစ် စဖူးသည့် ရန်ပွဲ။ ရင်ထဲမှာ မကောင်းနိုင်တော့ပြီ။ ၀င်တား၍လည်း ပိုဆိုးကုန်ဖို့ပဲ ရှိမည်။ ချွေးမဖြစ်သူက အလွန်တရာကိုမှ ခံစား ပေါက်ကွဲနေချိန် ဖြစ်နေပြီ။ ကိုယ့်မျက်နှာ မြင်လျှင် ပို၍ ပေါက်ကွဲ ပြောချလိုက်ဖို့ ၀န်လေးတော့မှာ မဟုတ်။ ပေါ် ပေါ်ထင်ထင် ပြောချေလျှင် သားကြီးက အဖေဇောနှင့် ပို၍ ရိုက်နှက်ပစ်မည်။ လင်မယား ကွဲနိုင်သည်။ ကိုယ် အိပ်သည့် ခုတင်ကလည်း နံရံ အနီးမှာ ကပ်လျက်ရှိနေတာ မို့ တစ်ဖက်ခန်းဆီမှ ငိုသံ၊ အကြီးကောင်၏ ဒေါသသံ၊ ၀ုန်းခနဲ တွန်းချလိုက်သည့် ခုံတစ်ခု၏ ပြိုကျသံ။ ဦးဖေငယ် မျက်ရည်ကျ နေသည်။ ရင်ထဲမှာလည်း တ၀ုန်းဝုန်း ပြိုနေပြီ။ ကြေကွဲစွာ ရိုက်ခတ် လိုက်ပါသည့် အားငယ်ခြင်း၊ သိမ်ငယ်ခြင်း များ၏ မုန်တိုင်းကြောင့် ပြိုကျနေကြသည်က နှလုံးအိမ် တစ်ခုလုံး ဖြစ်နေသည်။
ဦးဖေငယ် ဘဏ်သို့ သွားကာ လက်ကျန် ငွေငါးသိန်းကို ထုတ်သည်။ အိမ်သို့ ပြန်ရောက်တော့ မီးဖိုခန်းထဲမှာ မျက်နှာ မသာမယာနှင့် ချက်ပြုတ်နေသည့် ချွေးမကို အားတောင့်အားနာ အနေရ ကျပ်ခြင်းတို့ဖြင့်ကြည့်ကာ...
“အဖေ... မနက်စော စောပဲ လမ်းလျှောက်ထွက် သွားလိုက်တယ် သမီးလှိုင်။ အပြင်မှာပဲ လက်ဖက်ရည်နဲ့ မုန့် ၀ယ်စားလိုက်တယ်။ ဒါက သမီးစားဖို့ သမီးကြိုက်တဲ့ မုန့်ဟင်းခါး သုပ်လေး ၀ယ်လာတယ်။ ပဲကပ်ကြော်နဲ့ ငါးဖယ်ဆုပ်လည်း ပါတယ် သမီး”
ဟု ပြောကာ မုန့်ဟင်း ခါးသုပ်အထုပ်လေးကို ထမင်းစား စားပွဲပေါ်ချတော့လည်း မိလှိုင် လှည့်မကြည့်။ နေရခက်နေပုံ ရသည်။
မနက်က ကိစ္စ ကြားခဲ့ပြီ ဟုလည်း နားလည် ထားပုံရ၏။ တကယ်က အပြင်စာလေး ဘာလေး ၀ယ်လာမိလျှင်ဖြင့် စနစ် ဇယားကြီးသော ချွေးမ က အပို ငွေကုန်သည်ဟု ငြိုငြင်မှာ စိုးစိတ်ဖြင့် ဟိုတုန်းက မ၀ယ် လာရဲခဲ့ခြင်း ဆိုတာ ဖွင့်လည်း မပြောချင်တော့ ရှင်းပြလိုက်ခြင်း ဖြင့်လည်း ပို၍ ဆိုးသွားကာ နေရထိုင်ရ ပိုကျပ်တာပဲ အဖတ်တင်ကျန်မည်။ ဤအတိုင်း နေလိုက် သည်ကမှ ကောင်းမည်ဟု ဦးဖေငယ် မှတ်ယူပါ၏။
“သားကြီးရော... အလုပ် သွားလိုက်ပြီလား”
ချွေးမဖြစ်သူ၏ ခေါင်းအညိတ်သည် ခပ်လေးလေး ရှိ၏။ ပြောမိခဲ့သည့် စကား အတွက်လည်း တောင်းပန်ရ မှာ မျက်နှာ အပြရကို ခက်နေ သည့်ဟန် ဖြစ်နေသည်။ အားလုံး ကြားသွားပြီးပြီဟုလည်း နားလည်ထားဟန် ရှိသည်။ သူကလည်း ကြားထားရသည်မို့ မနက်မှာ ဆုံရမှာ အနေရ ကျပ်သည်နှင့် ခပ်စောစော ထ၍ ဘယ်သူမှ မမြင်နိုင်သေးခင်မှာပဲ လမ်းလျှောက် ထွက်ခဲ့သည်။ လူ သုံးယောက်ရှိသည့် အိမ်မှာ မနက် လေးနာရီလောက်က ဘာတွေဖြစ်ခဲ့သည် ဆိုတာ လူသုံးယောက် စလုံးက သိနေ ကြပြီးပြီ ဆိုတာကို ဤလူသုံး ယောက်စလုံး ကလည်း အလိုလို နားလည်ထားပြီး ဖြစ်ခဲ့ ကြပြီပဲလေ။
“အဖေ ငွေပိုလည်း သိပ်မလိုတာနဲ့ ဘဏ်က ငွေငါးသိန်း ထုတ်ခဲ့တယ် သမီး။ အငယ်ကောင် ပိုက်ဆံ ဆပ်ရမယ့် ဆယ်သိန်းထဲက ငါးသိန်းကို အဖေဆပ်လိုက် တယ်လို့ပဲ မှတ်ပါ သမီးရယ်။ ကဲ... ကဲ... အကြွေးကိစ္စ ကြာလည်း ကြာလှပေါ့။ အဖေ အငယ်ကောင်ဆီ သွားလိုက်ဦးမယ်။ နေ့လယ်စာ လမ်းမှာပဲ ၀ယ်စားလိုက်မယ် သမီး။ အငယ်ကောင့်အိမ်မှာ ညအိပ်ဖြစ်မှာလည်း မဟုတ်ဘူး။ ညစာပဲ အဖေ ဒီမှာ စားမယ်”
ဟု ပြောကာ ဦးဖေငယ် အိမ်မှ ထွက်၏။ နေ့လယ်စာ နီးနေပြီပဲ အဖေ၊ ဒီမှာ စားပြီးမှ သွားပါလားဟု ချွေးမဖြစ်သူ ထံမှ စကား ထွက်ကျမလာ။ ငိုင်ကျန်ခဲ့၏။ ငွေငါးသိန်း ကတော့ ထမင်းစားစားပွဲ ထက်မှာ ငြိမ်သက် ကျန်ခဲ့လေ၏။
“သြော် လက်စသတ်တော့ နေ့လယ်စာ အမီ ဒီကို လာပြီး ကိုကို့ဆီက အကြွေး တောင်းဖို့ ရောက်လာတယ် ဆိုပါတော့။ ကိုကို့အဖေက ဘယ်လိုကြီးလဲ ကိုကို။ ဒါကြောင့်ဖြစ်မှာ။ အကြွေး တောင်းတဲ့ ကိစ္စ ပြတ်ပြတ် ပြောနိုင်အောင် ဆိုပြီး အိမ်မှာ နေ့လယ်စာ ထမင်းတောင် မစားဘူး။ စားလာပြီးပြီတဲ့။ မျက်နှာကလည်း ပျက်နေ လိုက်တာ။ သူ့သားကြီး အကြွေး ဆုံးတော့မှာ ကျနေတာပဲ။ ခု ကိုကို ပြန်လာတော့ ခြံထဲခေါ်ပြီး ကျိတ်ကျိတ် ကျိတ်ကျိတ်နဲ့ အကြွေး လာ တောင်းတယ် ဆိုပါတော့။ ပြောလိုက် ကိုကို။ မဆုံးစေရ ပါဘူးလို့”
ထမင်းစားခန်းဆီမှ စကားသံသည် ဧည့်ခန်းသို့ တိုင်လွင့်၏။ သားငယ်ကို အကြွေးကိစ္စ ခြံထဲခေါ်၍ ချွေးမငယ် ထွေးထွေး မကြားအောင် တိုးတိုးသက်သက် ပြောခဲ့သည့် ကိစ္စ အရာမထင် အကျိုးမရှိဘဲ ဖြစ်ကုန်ရပြီ။ ထမင်းစားခန်းမှာ သားက တိုးတိုး ပြောပေမယ့် ချွေးမက အသံကျယ်ကျယ်ဖြင့် ပြောနေပြီ။ တမင် ပြောခြင်း ဟုလည်း နားလည်လာသည်။ ဧည့်ခန်းမှာတော့ ယောက္ခမ လူအိုကြီး ထိုင်နေသည်ကို သိထား သည်ပဲလေ။ ဦးဖေ ငယ်ရင်ထဲ မကောင်းတော့ပြီ။ ဤ ငွေဆယ်သိန်း ကိစ္စ ပေါ်လာမှ သောကတွေ များလိုက် ရသည့်အဖြစ်။ ခါတိုင်းလို မနက်စာ ကော်ဖီလေး သားကြီး၊ ချွေးမကြီးတို့နှင့် အတူစားသောက်၊ လမ်းလေးဘာလေး ထွက်လျှောက်။ စိတ်ထဲပေါ် လာလျှင်လည်း လက်ဖက်ရည်ဆိုင် ခဏ၀င်ထိုင်။ လက်ဖက်ရည် ကျဆိမ့်လေး တစ်ခွက် လောက်သောက်။ ဘိန်းမုန့်လေး တစ်ခုလောက်စား။ အိမ်သို့ပြန်။ တရား စာအုပ်လေးဖတ်။ အေးချမ်းလိုက်ပါ သည့်ဘ၀။ အခုကျတော့ အားလုံး ပြုတ်ပြိုဆင်းသွား ကုန်ပြီ။ နေ၍ ထိုင်၍ကို မရ။ သားငယ်အိမ်မှာလည်း မျက်နှာပျက်ရ၊ သားကြီး အိမ်မှာလည်း မျက်နှာမလှ။ တခြား နေစရာကလည်း မရှိ။ အိုကြီးအိုမနှင့် ဘယ်သွား နေရပါ့။
“မအော်နဲ့ ထွေး။အဖေက ပိုက်ဆံရအောင် ချေးပေးတာ။ ပြန်ဆပ်ဖို့လည်း လာပြောမှာပေါ့။ ကိုကို အပ်ထားတဲ့ ပိုက်ဆံတွေ ပေးကွာ။ အဖေ့ လက်ထဲပြန်ထည့် လိုက်မယ်။ ကိုကြီးကို ကြွေးဆပ်မယ် ဆိုပြီး ထွေးဆီက ကိုကိုတောင်းတိုင်း မပြည့်သေးဘူး မပြည့်သေးဘူးနဲ့ လုပ်နေတာ။ ခု အဖေက ငါးသိန်း ဘဏ်ကထုတ်ပြီး ပေးလိုက်ရ ရှာပြီ။ ဆယ်သိန်း မပြည့်လည်း ရှိသလောက်ပေး။ အဖေ့လက်ထဲပဲ ထည့်ပေး လိုက်ပါတော့လို့ အဖေက ပြောနေတာ။ ကိုကြီးဆီကို ကိုကို ကိုယ်တိုင်လည်း သွားပေး မနေပါနဲ့တော့တဲ့။ အလုပ် ပျက်ပါတယ်တဲ့”
“သြော်... သူ့သားကြီး ပိုက်ဆံပြန်ရအောင် အသေအချာ လုပ်နေတာပေါ့လေ။ ဘာလဲ ထွေးတို့ ဆပ်မယ် ဆိုတာ မယုံတဲ့ သဘောလား။ ဒီမယ် ထွေးတို့က ကိုကို့ကို အိမ်ပေါ် ခေါ်တင် ထားတာပါနော်။ ကားဆိုရင်လည်း ကိုကို့လက်ထဲ သော့အပ်ခဲ့တဲ့ ထွေးရဲ့မိဘတွေပါ။ ခု ထွေး ရဲ့မိဘတွေ မရှိတော့ပေမယ့် ခုထိလည်း ကိုကိုဟာ ထွေးရဲ့ မိဘ အရိပ်မှာပဲ ခိုနေရဆဲ မဟုတ်လား။ ကိုကို့အမေရဲ့ စိန်တွေ၊ ရွှေတွေဆိုတာက ကိုကို့အစ်ကိုကြီး ရလိုက်တဲ့ မြေနဲ့ အိမ်ကြီးရဲ့တန်ဖိုးနဲ့ ဆိုရင် အဖျား အနားလေးပါ။ ကိုကိုဟာ မဖြစ်စလောက် စိန်ထည်လေးတွေ ပေးပြီး ဆရာဝန်ဆိုတဲ့ လူတစ်ယောက် အဖြစ် အိမ်ပေါ် တက်လာတဲ့ ယောက်ျား တစ်ယောက်ပါ။
ခုလည်း ဟိုမိန်းမကို ငွေငါးသိန်း သွားပေးလိုက်သတဲ့။ ဟင် အဲဒီ ငွေငါးသိန်း ဆိုတာက နှစ်သိန်းခွဲ ကိုကိုအမွေ ရထိုက်တဲ့ ငွေတွေရှင့် သိရဲ့ လား။ အခု ဟိုကို ရောက်သွားပြီ။ ဒီမယ်ကိုကို ဆယ်သိန်းလုံး ပြန်ပေးလိုက်တယ်ပဲ ထား။ ဟိုကို ကိုကို့ အဖေက အားလုံး ပြန်အပ်လိုက်မှာပဲ။ ဒီတော့ ဟိုငါးသိန်းကို ကိုကို့ အဖေ ပြန်ရမယ်များ မှတ်သလား။ ဟိုကောင်မ အပိုင်စီး သွားမှာ။ သူက ငါးသိန်း စလုံး အုပ်အုပ်ခဲခဲ လက်ထဲ ဆုပ်ထားလိုက်ရတာ။ ဒီမှာ ဖြင့် ကလေး လေးယောက်နဲ့ ကသီနေလိုက်တာ။ ကလေး မရှိ ဘာမရှိနဲ့ အဲဒီကောင်မ သူ့လင်လုပ်စာနဲ့ ပေါလျှံနေတဲ့ ဥစ္စာ။ ငွေဆယ်သိန်း လောက်များ ဒီဘက်ကို တဂျီဂျီလုပ် နေရက်တယ်။ အဖေက လည်း အဖေ။ သူ့သားကြီး ငွေတွေဆုံးမှာ စိုးနေတာကိုး။ ရှင်လည်း အဖေ့သားပါပဲ။ ဒီလောက်အထိ အဖေက သားကြီးဘက် ပါနေဖို့ မကောင်းပါဘူး။ လူကြီးပဲ ဥစ္စာ”
“ဟာကွာ... မင်း လွန် လာပြီနော်။ ကဲ... ကဲ ဟာ”
ပြိုကျသံ၊ ငိုယိုသံ။ ဦးဖေငယ် ထမင်းစားခန်းထဲ မ၀င်တော့ပါ။ ရင်ထဲမှာ ပြိုနေပြီ။ နှလုံးသားတွေ ပဲ့ကြွေ နေရုံမျှသာ မဟုတ်တော့ပြီ။ သောခနဲ ဝေါခနဲ ပြိုဆင်း ကုန်ပြီ။ မျက်ရည်ကျလျက် ဦးဖေငယ် အိမ်ပေါ်မှ တိတ်ဆိတ်ငြိမ်ကျစွာပဲ ဆင်းခဲ့ပါ ၏။ ထမင်းစားခန်းဆီမှ ပန်းကန်ခွက်ယောက်ကွဲသံ တွေက ကျယ်လောင်လွင့်ပျံ့ လာနေသည်။
တကယ်တမ်း မနက်စာ၊ နေ့လယ်စာလည်း ဘယ်မှာမှ စားခဲ့တာ မဟုတ်။ နေပူ ကျဲကျဲကြီးထဲမှာ ယောင်နန နိုင်စွာပဲ ခြေလှမ်းနှေးနှေးဖြင့် ဦးဖေငယ် လျှောက်သည်။ အပူရှိန်သည် ခေါင်းတည့်တည့်ကို ထိုးသည်သို့ ရှိ၏။ နှလုံး တည့်တည့်သို့လည်း လောင်သည်သို့ ရှိ၏။ အာခေါင်တွေ ခြောက်ခြောက် နေလျက် ရင်သည် ဆို့နေ၏။ လည်ချောင်းတွေပါ ခြောက်လာသည်။ အားတွေ ပြုတ် ပြုတ်ပြုန်းအောင် ထုချေ ဆုတ်ဆင်းနေသည်သို့ ရှိ၏။ ဘတ်စ်ကားမစီးဖြစ်ဘဲ လျှောက်လာလိုက်သည့် အချိန်တွေသည် မနည်းလှ။ ခြေတွေက သွားနေကျလမ်း တွေမို့ အိမ်သို့တိုင်အောင် ပလက်ဖောင်းတွေ အတိုင်း လူကူး မြင်းကျားတွေကို ဖြတ်သန်း၍ လာခဲ့သည်။ ကားသံ တွေကို ကြားခဲ့တာရှိသည်။ လူသံတွေကိုလည်း ကြားခဲ့ တာတွေရှိသည်။ ၀ိုးတ၀ါး လူရိပ်တွေကို ကျော်ဖြတ်ခဲ့တာ ရှိသည်။ ဒါပေမယ့် အာရုံ သည် မကြည်လင် မပီပြင်ခဲ့ သည်ကောဟု နားလည်လာ နေရသည့် ဦးဖေငယ်။
အိမ်သို့ ပြန်ရောက်ချိန်သည် ဘယ်နှနာရီ ထိုးနေပြီ ဆိုတာကိုပင် မခွဲခြားနိုင်စွမ်း တော့အောင်ဖြစ်နေသည်။ မျက်စိတွေ ပြာနေ၍ ညနေဟု ထင်နေရသည်လား။ ညနေ တကယ်ပဲ ဖြစ်လာ နေပြီလား။ ၀ိုးတ၀ါး အရိပ်တစ်ခုသည် ထမင်းစားခန်း ဘက်ဆီမှ လာနေသည်။ ဦးဖေငယ် အနိုင်နိုင် ဧည့်ခန်းသို့ ခြေကိုသယ်သည်။ ရင်သည် ဆို့နေ၏။ ခြေသည် ညွတ်၏။ ပြိုကျ ပြုတ်ကျနေပြီ ဆိုတာကို သိနေပေမယ့် ထိန်းရန် အားအင် မကျန်တော့။ အလွန် လျင်မြန်စွာပဲ လက်ကျန် အားအင် တည်းတည်းမျှင်မျှင် သည် လွင့်ခနဲလွင့်ခနဲ ကိုယ်ထဲမှ ထွက်ခွာ နေကြသည်ဟု ခံစားရ၏။ ကြမ်းပြင်သို့ ကျသည့် အရှိန်သည် ခေါင်းကို လည်းထိ၏။ ရင်ကိုလည်း ဆောင့်၏။ ပွေ့လိုက်တာကို သိနေသည်။ မော့အကြည့်မှာ အမြင်သည် ချွေးမ မိလှိုင် ဖြစ်နေသည်။ အမြင်က ၀ါးဝါး ရိပ်ရိပ်လှုပ်နေသည်။
အကြွေး... အကြွေး ဆယ်သိန်း... ငါးသိန်းပဲ ကျေနိုင်ခဲ့ပြီ။ ငါးသိန်းကျန် နေပြီ။ ကိုယ့်ပယောဂကြောင့်၊ ကိုယ့်တာဝန် မကင်းခြင်းများ ကြောင့် သားကြီးနှင့် ချွေးမ တို့မှာ ငွေငါးသိန်း ဆုံးရချေ တော့မည်။ ကိုယ်သည်လည်း ကျေအောင်ဆပ်နိုင်ရန် အားအင်မရှိ။ အချိန်မကျန်။ အရွယ်မမျှ။ ဘာမျှမတတ်နိုင် သည့် သူအိုတစ်ယောက်သည် မကျေသော ကြွေးကို လောကကြီးမှာ ချန်ထားရစ်ခဲ့ ရတော့မည်။
မအေးခက်ကို မြင်သည်။ ဇနီးသည် အေး၏ လှမ်းသည့် လက်ကိုလည်း မြင်နေရပြီ။ ဒါပေမယ့် နောက်ဆံ ငင်နေသည့် ဇောက ရှိနေသည်။
“အကြွေး... အကြွေး ကို... ကျေ... ကျေ... ပေး ဖို့... သားကြီးကို ပြော... ပြောပြ...ပေးပါ... သမီးက လည်း ... အဲဒီ... အကြွေး ကို... ကျေ... ပေး... ပါ”
အားစိုက်၍ မနည်း ပြောရသည်။ သားကြီး အလုပ်မှ ပြန်မရောက်သေးတာကို သိနေသည်။ သားငယ်၏ ရန်ပွဲသည်ကော အဆုံးသတ် ပါရဲ့လား။
“သမီးလှိုင်... အဖေ လေ... အကြွေး... မကျေခဲ့တဲ့ အတွက်... စိတ်... မကောင်း... ပါ... ဘူး”
ဇောသည် အကြွေးထဲမှာ နစ်နေသည်။ နောက်တော့ အကြည့်သည် ဘုရား စင်ထံမှာ တန့်၏။ ဦးဖေငယ်၏ မျက်ဝန်းတွေက ပွင့်နေသည်။ ဒါပေမယ့် မမြင်ရ တော့ပြီ။ မသိမသာ ဟနေသည့် နှုတ်ခမ်းသည် ဖြူဖျော့ နေ၏။ မနက်ကတည်းက ဘာမျှ မစားခဲ့ရဘဲ ၀မ်းဟောင်းလောင်းဖြင့် သားနှစ်ယောက်၏ ရင်ငွေ့နှင့် ဝေးကင်းနေရင်းဖြင့် အဖေ တစ်ယောက်သည် အကြွေး မကျေမှာကို စိုးသည့်ဇော၏ နှိပ်စက်မှု အောက်ဝယ် ကွယ်လွန်ခဲ့ရ ချေပြီတကား။
ကျေးဇူးကြွေး၊ မေတ္တာကြွေးတို့ကို မည်သူကျေအောင် ဆပ်မည်နည်း။
သွားလေသူက သွားလိုက်ပြီ...။
ဝတ္တရားကြွေးတွေ တင်ကျန်ရစ်သူက ကျန်ခဲ့ပြီ...။
(အမည်မသိစာရေးသူ) - စာရေးသူအမည် သိပါက အကြောင်းကြားပေးပါရန်။
ပိုက်ဆံ ချေးငှားသည့် ကိစ္စက ဘေးတစ်စိမ်းက ပြောတာ ဆိုလျှင်တောင် ခက်ချင်မှ ခက်မည်။ ညီအစ်ကိုချင်း ချေးတာမျိုး ဆိုလျှင်တော့ ချွေးမ မိလှိုင် ပို၍ စိတ်ပူမှာ သေချာသည်။ ပြန်မဆပ်လျှင် ညီအစ်ကိုချင်း ကိစ္စ ဆိုတော့ ပြောရကျပ်သည် မဟုတ်ပါလား။ တစ်အိမ်တည်း အတူ နေရ သည်မို့ ကိုယ့်ချွေးမ အကြီး အကြောင်း သိသည်ပေါ့။ စေ့စေ့ငုငု အလွန်လုပ်သည့် ချွေးမ။ ဈေးဝယ် ပြန်လာ လျှင်တောင် မှ ပိုပိုလျှံလျှံ အဖြစ်ခံတာ မဟုတ်။ ခြစ်ခြစ်ကုတ်ကုတ် ၀ယ်သည်။ ကတ်ကတ်သတ်သတ် ချက်သည်။ အိမ်ထောင်သက် ဆယ့်နှစ် နီးပါး ရှိပြီ ဖြစ်ပေမယ့် သားသမီးကလည်း မထွန်းကားသေး။ ယောက္ခမ ဖြစ်သည့် သူနှင့် ကိုယ့်ခင်ပွန်းသည် အပြင် ကိုယ်ပါမှ သုံးယောက်တည်း ရှိသည့် အိမ်ထောင် ဖြစ်ချေသည့် အတိုင်း ဟင်းအိုး သေးသေးလေးနှင့် ချက်သည်။ ထမင်း ပိုပင် သိပ်မကျန်အောင် ချက်သည်။ အိမ်မှာ အပို ကျွေးစရာ ဆို၍ ခွေးနှင့် ကြောင်ပင် မွေး မထား။ ဤသို့သော ချွေးမ။
“ကိုကြီးက အင်ဂျင်နီ ယာကြီးပဲ အဖေရာ ဆောက်လိုက်ရတဲ့ တိုက်တွေ အလုပ် အပ်ကြတာ နည်းမှ မနည်းတာ။ ပိုက်ဆံ လွယ်ပါတယ် အဖေ။ သားမှာက ထွေးထွေး ကလည်း အလုပ်ရှိတာ မဟုတ်ဘူး။ ကလေးကလည်း လေးယောက်။ ဆင်းရဲသား ရပ်ကွက် တစ်ခုမှာ ဆေးခန်းဖွင့် နေရတဲ့ ဆရာဝန်ဆိုတော့ အဖေ တွေးကြည့်ယူပါ အဖေ။ မြို့လယ်ကောင်မှာ ဆေးခန်း ဖွင့်ဖို့ ဆိုတာက ပိုက်ဆံရှိမှ။ ပြီးတော့ သမားတော်ဖြစ်မှ။ သားက ရိုးရိုးဆရာဝန်ပါ အဖေ။ ရသမျှထဲက စုဆောင်းတာလေးတော့ အတန်အသင့် ရှိပါတယ် အဖေ။ ဒါပေမယ့် ကားပြင်တော့ မလောက်မင ဖြစ်လာလို့ပါ။ အဖေ့ကို သားကိုယ်တိုင် လာပြောရင်လည်း အဲဒီ အိမ်မှာပဲ မမလှိုင် ရှေ့မှာပဲ ပြောရမှာမို့ ဖုန်းနဲ့ ပြောရတာပါ အဖေရယ်။ ပြောပေးပါနော် အဖေ။ ကိုကြီးက သဘော ကောင်းပါတယ်။ မမလှိုင် မသိအောင် ငွေချေး လိုက်ရင် ပြဿနာ မဖြစ်ပါဘူး။ သားကလည်း ပြန်ဆပ်မှာပါ”
တတွတ်တွတ် ပြောနေသံသည် တိုးဖွဖွ နိုင်နေလျက် ငိုသံပင် မစို့မပို့လေး ပါလာနေပြီ။ သားငယ် စိတ်ထိန်း ထားဟန်တူသည်။ မထိန်းနိုင် ရှာ၍ ငိုသံပါလာတာ ဖြစ်မည်။ ဦးဖေငယ် ရင်ထဲ မကောင်းတော့ပြီ။ မျက်ရည် စို့လာ၏။ ကိုယ်မှာလည်း ပိုက် ဆံအပိုရယ်လို့ ရှိတာမဟုတ်။ ပင်စင်စား တစ်ယောက်ပေပဲ လေ။ ပင်စင် ယူစဉ်က ရလိုက်သည့် အထဲမှာ လက်ကျန်ငွေ အဆုပ်အခဲ ဆိုတာကလည်း ဘဏ်မှာ စုထားသည့် ငါးသိန်းတော့ ရှိသည်။ ဤသည်ကလည်း လှူချင်လျှင် လည်းလှူ။ ကိုယ့်နာရေး ကိစ္စ ပေါ်လာလျှင်လည်း သုံးတန် တာသုံးဖို့ ချန်ထားသည့်ငွေ။ နာရေး ဆိုသည့်ထဲမှာ နေမကောင်း ဖြစ်တာလည်း ပါသည်။
သေသွားမှာလည်း ပါသည်။ ကိုယ်သေလျှင် မြေချဖို့ ကိစ္စ မပူရဖို့ ဆိုတာက ငွေရှိတော့ ပိုသင့်မည်ဟု နား လည်ထားသည်မို့ သားနှစ် ယောက်အပေါ် အပူအပင် တာဝန်တွေလည်း မချန်ခဲ့ချင်သည့် ဦးဖေငယ်။ အသေ ကိစ္စ အတွက်ပါ ဘဏ်မှာ ငွေလေးချန်ချန် စုစုလုပ်ထားရ ပါ၏။ မတော်၍များ နေထိုင် မကောင်း ဖြစ်လာလျှင် ငွေလိုသဟဲ့၊ ဆေးဝယ်မဟဲ့ ဆိုတာတွေဖြစ်လျှင် ဘဏ်ကငွေထုတ် သုံးဖို့ အကြီးကောင်ကို ပေး လိုက်ဖို့ပဲ ရှိသည်။ ကိုယ်သေ လျှင်လည်း ဤသို့နှင်နှင်...။
ခုကိစ္စက ငွေဆယ်သိန်း ဖြစ်နေသည်။ ကိုယ်ကလည်း တစ်လုံးတစ်ဝ ပြည့်ပြည့်အင့်အင့် မပေးနိုင်။ ဒီတော့ အကြီးကောင် ဆီက တကယ် ပဲ ကြားက ပါးစပ်အငှား လိုက်ပြီး အငယ်ကောင် အတွက် ငွေချေးဖို့ ပြောပေး လိုက်လျှင် ကောင်းချေမည်လား။ ဒါပေမယ့် သားအဖချင်း ကိစ္စ ဆိုပေမယ့် ချွေးမ ရှိသည်။ မိလှိုင် ကြည်ဖြူဖို့ ဆိုတာ အတော်ကြီး ခက်မည့် ကိစ္စ။ ဒါကိုတော့ သိနှင့် နေသည်မို့ ခုထိ ဦးဖေငယ် နှုတ် ဆွံ့နေသည်။ အငယ်ကောင် ကို ကတိမပေးရဲ။ အာမ မခံ ၀ံ့။ ရစေမယ်ဟု ပြောပေးပြီးမှတော့ တကယ်ရမှလည်း ကောင်းမည်လေ။
“ထွေးထွေးကလည်း ပြောရှာ ပါတယ်လေ။ အမေ့ လက်ဝတ် လက်စားတွေမို့ မဖျက်ဆီး ရက်ဘူးတဲ့။ အမေ့ လက်ဝတ် လက်စားတွေ ကလည်း ရှေးစိန်တွေ မဟုတ်လား။ အပေါင် အပြုတောင် မလုပ်ရဲဘူးတ အဖေ။ မတော် စိန်တွေကို လဲပစ်လိုက်ရင် ဘယ့်နှယ့် လုပ်မလဲတဲ့။ အမေ့ လက်ဝတ် လက်စားတွေကို အဖေ့မြေးတွေ မင်္ဂလာဆောင်တဲ့ အခါမှ ခွဲဝေပြီး လက်ဖွဲ့မှာတဲ့ အဖေ။ ထွေးထွေးက အမေ့ ပစ္စည်းတွေကို အဲသလောက် တန်ဖိုးထားပြီး မြတ်နိုး ရိုသေတာ အဖေ”
အငယ်ကောင် စကားကြောင့် ဝေနေ ထွေနေသော စိတ်သည် ကွယ်လွန်ခဲ့သော ဇနီးသည် သူတော်ကောင်းမကြီး အေးဆီသို့ လွင့်၏။ မအေးခက် ဆိုသည့် အမည်ကို အေး ဟူ၍ အဖျားဆွတ်ကာ ချစ်၍ ခေါ်ရပါသော ဇနီးသည်။ အိမ်ထောင် ကျသည်မှ ကွယ်လွန်ချိန် အထိ ခင်ပွန်းသည် အပေါ် ရိုသေ ကြည်ညိုသည် နှင့်အမျှ သစ္စာရှိစွာ၊ မြတ်နိုးစွာ မယား တာဝန် ကျေပါသော ဇနီး။ အကြီးကောင် အိမ်ထောင်ပြုတော့ ခင်ပွန်းသည်နှင့် တိုင်ပင်ကာ နေထိုင်ရာ အိမ်ကို လက်ဖွဲ့ ခဲ့ပါသော မအေးခက်။ အငယ်ကောင် အိမ်ထောင် ပြုတော့လည်း စိန်ထည် လက်ဝတ်လက်စား တစ်ဆင်စာကို လက်ဖွဲ့ခဲ့ပါ လေသော အေး။ သားကြီး သားငယ်ကို မျှမျှတတ ချစ်ခဲ့ ပါသော သားတို့၏ အမေ။ အသက်လည်း မရှည်ရှာသော အေး။ အသက် ငါးဆယ့်လေးနှစ် အရွယ်မှာပဲ အေးဆုံး ခဲ့ရှာသည်။ အငယ်ကောင်၏ သား အောင်ကိုဦး တစ်ယောက်ကိုသာ ပွေ့ချီခွင့် ရ သွားရှာသည်။
ခု အငယ် ကောင်မှာပင် ကလေး လေးယောက် ထွန်းကားပြီ။ မြေးတွေ ချစ်ဇောဖြင့် တစ်ပတ် တစ်ခါတော့ အငယ်ကောင် အိမ်သို့ ဦးဖေငယ်ရောက် သည်။ မြေးတွေနှင့် တစ်ည အိပ်သည်။ မနက်ဘက် ကော်ဖီသောက်၊ မုန့်လေး ဘာလေးစားပြီး ဘတ်စ်ကား စီး၍ အိမ်ပြန်သည်။ ဒါ အပတ်စဉ် ကိစ္စ။ မအေးခက် ရှိစဉ်တုန်းကတော့ မအေး ခက်လည်း ဘေးက ပါသည်ပေါ့။ ခုကျတော့ တစ်ယောက် တည်းသွား။ တစ်ယောက် တည်းပြန်။ ဘက်စ်ကားနှင့် သွား။ ဘက်စ်ကားနှင့်ပြန်။ အငယ်ကောင်မှ ကားဖြင့် မကြိုတာ။ မပို့တာကို ချွေးမကြီး မိလှိုင်ကတော့ မြည်တွန်ချင်သည်။ မအားရှာ ပေဘူးလေကွယ်ဟု မအေး ခက်ရှိစဉ်တုန်းက ပြုံးစကား ဆိုခဲ့သည်။ ခုကျတော့လည်း ထိုစကားမျိုးကိုပဲ ဦးဖေငယ် ပြောသည်ပါပဲ။ ခု အငယ်ကောင်၏ ကားပြင်သည့် ကိစ္စ၊ ငွေလိုသည့်ကိစ္စ၊ အချေး အငှားစကားကို ဖုန်းဖြင့် ပြောလာပြီ။ ပြီးခဲ့သည့် တနင်္ဂနွေနေ့က အငယ်ကောင် အိမ်သို့ ရောက်ခဲ့သည်ပဲ။ ညအိပ်ခဲ့သည်ပဲ။ ကားက အိမ်မှာ ရှိနေသေးသည်။ ကားက အတော်ကြီး မီးခိုးလိုက် နေသည်။ အိပ်ဇောပိုက်မှ အူထ နေအောင် ထွက်သည့် မီးခိုး။
“အင်ဂျင်ကလည်း ကိုင်ရမယ် အဖေ၊ ကားကမပြင် လို့မဖြစ်တာနဲ့ ပြင်ရတာပါ။ သားလည်း ဆေးခန်းကို ဘတ်စ်ကားနဲ့ လောလော ဆယ်မှာ သွားနေရတယ် အဖေ။ အဲဒါ ကားဖာတာ၊ ဆေးမှုတ်တာ၊ အင်ဂျင်ကိုင် တာတွေ အမြန် လုပ်ပေးဖို့လည်း အားဂျင်းဖီးစ် ပေးရတယ် အဖေ။ ကားမရှိတော့ သား ဆေးခန်း သွားရတာ အလွန် ကသီပါတယ် အဖေ။ လူနာတွေက ဆေးခန်းမှာ ကြိုရောက် နေရပြီ။ အဲဒီလို ဖြစ်နေတာ” လူနာတွေတော့ များပုံရသည်။ လူနာတွေက စောင့်နေ ရသည်တဲ့။ ပြောသည့်အထဲမှာ ပါလာပြီ။ အားနာသည်တဲ့။ အေးလေ ဒါကြောင့်လည်း အတန်အမျှတော့ စုထား ဆောင်းထားရ နိုင်ချေသည်ပေါ့ ဟုတွေးဖြစ် ပြန်သည်။ ငွေဆယ်သိန်း ကိစ္စ နှုတ်ကတော့ ဆွံ့နေဆဲ။
“သား မျက်နှာငယ်တယ် အဖေ။ သားက မိန်းမအိမ် လိုက်နေရတာ။ စီးနေတဲ့ ကားကလည်း မိန်းမ မိဘတွေ ချန်ခဲ့တဲ့ကား။ ဒါတောင်မှ ထွေးထွေးက တစ်ဦးတည်းသော သမီးမို့ ဘယ်သူမှ အမွေ ခွဲတာတွေ မရှိလို့သာ ဒီလို အိမ်နဲ့ကားနဲ့ နေဖြစ်တာပါ။ မိန်းမဘက်က ရတဲ့ ကားနဲ့ အလုပ်သွား အလုပ်ပြန် နေရတာကို သားလိပ်ပြာငယ်တယ် အဖေ။ ခု ကားတစ်စီး ၀ယ်ပေးဖို့ နေနေသာသာ ကားပြင်ခတောင် မတတ်နိုင်ဘဲ ဖြစ်နေတော့လည်း သား ရင်ထဲ အနေခက်တယ် အဖေ။ ထွေးထွေးက ပြောတယ်။ ကားမပြင် နိုင်တော့ ရင်လည်း ရောင်းပစ် လိုက်ပါ တော့တဲ့။ သူလည်း စိတ်ထဲ ကောင်းပုံ မရပါဘူး။ သူ့မိဘရဲ့ချန်ခဲ့တဲ့ အမွေပစ္စည်းပဲ။ မြတ်နိုး ရှာမှာ” ဟု စကားကုန်ပြော လာတော့ ဦးဖေငယ်ရင်ထဲ ဆို့လာသည်။
သြော်... မယားအိမ် တက်နေ ရသည် တဲ့လား။ မယားဘက်က ပါသည့် ကားကို စီးနေရသည် တဲ့လား။ သိမ်ငယ်ရှာသည့် ဘ၀ကို သားငယ် အပေါ်မှာ အပ်နှံ ပေးလိုက်သည့်နှယ် ခံစားရ ပြန်သည်။ စုဆောင်း ထားသမျှ ငွေတွေထဲက အကြီးကောင်ကို အင်ဂျင်နီယာကြီး ဖြစ်အောင်၊ အငယ်ကောင်ကို ဆရာဝန်ကြီး ဖြစ်အောင် အတွန့်အတို မရှိ၊ အားလုံးပုံ၍ သုံးခဲ့တာ လောက်ပဲ ကိုယ့်ဘက်က တာဝန်ကုန် လုပ်ခဲ့ သည်ကိုး။ ပေးချင် သည်ပေါ့။ သားနှစ်ယောက်ကို ငွေတွေ၊ အိမ်တွေ၊ ကားတွေ တစ်ခုတည်း မဟုတ်။ အိမ်လေးငါးလုံး၊ ကားလေးငါးစီး၊ လက်ဝတ် ရတနာတွေ လေးငါးမျိုး တစ်ဆင်စာတွေ ပုံအော၍ လက်ဖွဲ့ချင်သည်ပေါ့။ ဌာန တစ်ခုမှ အရာရှိတစ်ဦး အဖြစ် ရိုးရိုးသားသား နေခဲ့သည်။ စုဆောင်းခဲ့သည်။ ရှိသည့် အထဲမှ သားတွေကို ခွဲဝေ ပေးခဲ့သည်။ ဤမျှပဲ တတ်နိုင်သည့် အဖေကြောင့် သားများမှာ မျက်နှာမလှ ဖြစ်ရချေ ပြီတဲ့လား။ ဖျတ်ခနဲ မအေးခက်ကို မြင်သည်။ ရှိရှာလျှင်ဖြင့် ငိုပေလိမ့်မည်။ ခုလို တစ်ယောက်တည်း ရင်ဆို့နေ သည့်ခံစားချက်မျိုး မအေးခက် ခံစားလိုက်ရတာကို ပြန်၍ ဖြေယူနိုင်ဖို့ အားအင်ကို မွေးယူ မိပြန်သည်။
“အဖေ ပြောကြည့်မယ် သားငယ်၊ ဒါပဲ မဟုတ်လား၊ အဖေ ဖုန်းချလိုက် တော့မယ်။ မြေးတွေ နေကောင်းရဲ့မဟုတ်လား။ သားက ဆရာဝန်ပဲလေ။ ဂရုတစိုက် အမြဲ ရှိနိုင်တာပဲ ဟုတ်လှပါပြီ။ ဆရာဝန် သားသမီး ဖြစ်ရတာ ကံကောင်းကြပါ တယ်ကွယ်” ဟုပြောတော့ နေကောင်းကြပါတယ် အဖေ ဆိုသည့် အသံက အတန်မျှတော့ တက်ကြွသံ ပါလာသည်။ ငွေချေးသည့် ကိစ္စ ပြောပေးမည် ဆိုတာကြောင့်ပဲ ဖြစ်ချေမည်။ အဖေ နေကောင်းရဲ့လားဟု မေးဖို့ ဆရာဝန်ဖြစ်သည့် အငယ်ကောင် မေ့နေပုံရသည်။ ကားပြင်ဖို့ လိုနေသည့် ငွေဇောကြီးသည် ကြီးမားသော သောက တောင်ထုကြီး အဖြစ် သားငယ်၏ ဦးနှောက်ကို ဖို့အုပ် ထားပုံ ရပါ၏။ တယ်လီဖုန်းကို ခပ်လေးလေး ချလိုက်ကာ ဧည့်ခန်းမှာ ခပ်ငိုင်ငိုင် ထိုင်သည်။ ချွေးမတော် မိလှိုင်ကတော့ ဈေးသွားနေသည်။ မရှိတာပဲ ကောင်းသည်။
အကြီးကောင် အလုပ် မသွားသေး။ အိမ်ကိုပြန်၍ ပြင်ထားသည်မို့ ယခင်က လျှာထိုးခင်း၊ လျှာထိုးကာ၊ သွပ်မိုးနှစ်ထပ် ပျဉ်ထောင် အိမ်ကြီးသည် သင်္ဘောဆေး ရောင်သစ်သစ် လွင်လွင်ဖြင့် ရှိနေသည်။ ဆင်ဝင်တစ်ခု ထပ်ချဲ့တိုးထားတာမို့ ဟန်ပန် တင့်တင့် ထည်ထည်တော့ ဖြစ်နေသည်။ ၀န်ထမ်းဘ၀က ၀ယ်ထားသည့် မြေနှင့် ဆောက်ခဲ့သည့် အိမ်။ အတန်မျှ ကျယ်သည့် ခြံထဲမှာ မန်ကျည်းပင်၊ မာလကာပင်၊ သံပရာပင်နှင့် ဆီးတော်ပင် တို့ရှိသည်။ ပြီးတော့ အေး စိုက်ခဲ့သည့် ပန်းပင်တွေ။ ခုတော့ ချွေးမ မိလှိုင်ထပ်၍ စိုက်ထားသော ပန်းတွေဖြင့် ခြံသည် သံပန်းခတ် ခြံစည်းရိုးတွေ ဘာတွေနှင့် သပ်သပ် ခပ်ခပ်တော့ ရှိနေသည်မှာ ပါပဲ။ လှလှပပဖြစ်နေသည် ပါပဲ။ အရင်တပ်ထားသည့် မှန်ကြည်ပြတင်းတွေ နေရာ မှာ ရောင်စုံမှန်ပြတင်းတွေ ဖြစ်နေတာမို့ အိမ်ဟောင်း သည် အိမ်သစ်နှယ်ပင် ဖြစ်နေချေ၏။ အကြီးကောင် အိမ် ပေါ်မှ ဆင်းလာတာမို့ ကမန်းကတန်း ဦးဖေငယ်ထရပ်သည်။ သား၏ မျက်နှာကြည်ကြည် သာသာ ရှိနေသည်။ ပြော၍ ဆို၍တော့ ဖြစ်နိုင်ချေမည် ထင့်။
“သားကို အဖေ ပြော စရာလေးရှိလို့ သားရယ်၊ ခြံထဲ ခဏ ဆင်းထိုင်ကြတာပေါ့”
ဆင်ဝင်အောက်မှာ ရပ်ထားသော မနေ့ကမှ ၀ယ်ထားသည့် စူပါဆလွန်းကား လေးသည် လက်တောက်နေ၏။ အငယ်ကောင်၏ ကားက လက်အို လက်ဟောင်း။ အကြီးကောင် စီးပွား လိုက်၍ အလယ်အလတ် ကားထဲက သန့်သန့်လေး တစ်စီးကို ရလိုက်တာမို့ ဦးဖေငယ် ၀မ်းသာသည်။ အငယ်ကောင်ကိုလည်း ကားသစ် မ၀ယ်နိုင် သော်မှ ကားဟောင်းလေး တော့ ပြင်စီး နိုင်စေ့ချင်သည်။ ဆေးလေးဘာလေး အသစ်သုတ်၊ အင်ဂျင်လေးကောင်း နေလျှင်တော့ဖြင့် ကားအိုကား ဟောင်းလေးသည်လည်း ကားအလယ် အလတ်တန်း စားလေးလောက်တော့ ကောင်းသွားချေမည်ပေါ့။
“တကယ်ဆို မောင် အဲဒီလို ငွေထုတ်ချေးမယ်ဆိုရင် လှိုင့်ကိုတော့ ကြိုပြီး တိုင် ပင်သင့်တာပေါ့မောင်။ ခုကျတော့ အဖေက ပြောလိုက်တာနဲ့ အလွယ်တကူ ထုတ် ပေးလိုက်တာကိုက မဟုတ် သေးတာ”
“အခန်းထဲပြောတာဆို ပေမယ့် အဖေ့အခန်းက ဟို ဘက်မှာပဲရှိတာ လှိုင်၊ အဖေ ကြားသွား ပါ့မယ်ကွယ်။ အဖေ ဘယ်တုန်းက ငွေရေး ကြေးရေးကိစ္စ ပြောဖူးလို့လဲ။ ဒီတစ်ခါပဲ ပြောရှာတာပါ လှိုင်ရယ်”
“အို အဖေ့ အတွက်ဆိုရင် ထားပါ။ ခုကိစ္စက ကိုငယ် အတွက် ဖြစ်နေတာပဲ မောင်။ လှိုင်က ပိုက်ဆံစုနေတာ။ အိမ်ကို တူတူတန်တန် ဆောက်နိုင်ဖို့၊ ရွှေဝယ်ဖို့၊ နောက်ထပ် အမြင့်ကားတစ်စီး လဲနိုင်ဖို့ စုနေတာ။ အိမ်မှာ ချွေချွေတာတာစား၊ မောင့်ကိုသာ လူကြားထဲမှာ ဟန်ပြည့် မာန်ပြည့် သိက္ခာ ပြည့်နိုင်အောင် အ၀တ်အစားက အစ ဘယ်လောက် တန်ဖိုးကြီးကြီး ၀ယ်ဆင်တာ။ လှိုင်က လူသူတိုးနိုင်ရုံ၊ အမြင့်တင် နိုင်ရုံပဲ ၀ယ်ဝတ်တာ။ အဲဒီလောက် ချွေတာပြီး စုရဆောင်းရ လုပ်နေတဲ့ အချိန်မှာ လှိုင့်ကို အပ်ရမယ့် ငွေတွေထဲက ဆယ်သိန်းကို မောင်မို့ မမေးမစမ်း သွားပြီး အဖေ့ကို ပေးရက်တယ် မောင်။ အဖေ့ကို ဘယ်လောက်များ ကိုငယ် ညည်းပြနေမှန်းမှ မသိတာ။ အဖေက ရိုးတော့ ပြောပေးတာ ဖြစ်မှာပေါ့။ ညီအစ်ကိုချင်း ချေးတဲ့ငှားတဲ့ ကိစ္စ ပြန် မရတော့ တရားတဘောင် ဖြစ်ကောင်းတာမှ မဟုတ်တာ၊ ဆုံးရုံပဲ ရှိမယ်”
တဖျစ်တောက်တောက် ပြောနေသံသည် မနက် လေးနာရီလောက်မှာ ဖြစ်နေသည်။ ဦးဖေငယ် ရင်ထဲ မွန်းကျပ်နေ၏။ အငယ်ကောင် ချေးထားသည့် ငွေ ဆယ်သိန်း ဆိုတာ ကလည်း ခြောက်လထဲ ရောက်လာပြီ။ မိလှိုင် စိတ်သောက ဖြစ်မည် ဆိုလည်း ဖြစ်ချိန်သင့်ပြီ။ ကားဆေးရောင် လွင်လွင် သစ်သစ်ဖြင့် အငယ်ကောင် ကားတ၀ီဝီ မောင်းနေတာပဲ ကြာလှပြီ။ ဆေးခန်း သွားလိုက် ပြန်လိုက်ဖြင့် ရသမျှထဲက စုဆောင်းထားသည် ဆိုလျှင်လည်း တချို့ တစ်ဝက်လောက် တော့ခွဲ၍ ဤဆယ်သိန်းသော ကြွေးကို တန်သလောက်တော့ ဆပ်သင့်ပြီ။ ခုက ငြိမ်နေသည်။ တစ်ဖက်က အေးစက် ငြိမ်သက်လျက် အကြောင့်အကြ ကင်းနေချိန် မှာ တစ်ဖက်က မနေနိုင် မထိုင်နိုင်ဖြစ်အောင် စိတ်တွေ ကြောင့်ကြ ပူပန်နေရပြီ။
ခုလည်း မနက် လေးနာရီလောက် အများ အိပ်မောကျ နေချိန်မှာ အစောကြီး နိုးနေလျက်၊ ချေးလိုက်သည့် ငွေဆုံးမှာ ကြောက်သည့်ဇောသည် အကြီးကောင်တို့ လင်မယားကို အုပ်မိုး နှိုးနေ ချေပြီထင့်။ ပိုဆိုး သည်က ချွေးမ မိလှိုင်။ မိန်းမသားပေ ပဲလေ။ ပူပန်ရှာ မှာချေမည်ပေါ့။ ငွေကလည်း နည်းသည်မဟုတ်။ ဆယ်သိန်း။ ဤဖြစ်ရသည့် ကိစ္စမှာ ကိုယ်ကလည်း တာဝန်မကင်း။ ကိုယ့်ပယောဂ မကင်း။ တာဝန် အရှိဆုံးလူသည် အငယ်ကောင်ဖြစ်ဖို့ သင့်တာ မှန်ပေမယ့် ကိုယ်က ပြောပေး၍ အငယ်ကောင်က ပိုက်ဆံ ရသွားခြင်းပေမို့၊ ပိုက်ဆံ ပေးဖြစ်အောင် အကြီးကောင်ကို ပြောပေးမိသည့် ကိုယ်ကပဲ တာဝန် အရှိဆုံးလူ ဖြစ်နေသည်။ ခုတစ်လော ချွေးမကြီး ဖြစ်သူ မျက်နှာ မကောင်း။ ဦးဖေငယ်ကို စကားပင် ဟက်ဟက်ပက်ပက် မပြောချင်။ မျက်နှာခပ် ညိုညို ဖြစ်နေတာ မဟုတ်။ ခပ်ညို့ညို့ ဖြစ်နေတာ ကြုံနေ ရသည်။ ကြာတော့လည်း တစ်အိမ်တည်း နေနေရတာမို့ နေရခက်သည်က ဦးဖေငယ်။
“အဲဒီလိုလည်း စကားကို အဆုံး မပြောနဲ့လေ။ အကယ်၍ တကယ်ပဲ ညီလေးက ပိုက်ဆံ ပြန်မပေးလို့ ဆုံးသွားရရင်လည်း ညီအစ်ကိုချင်းပဲ လှိုင်ရယ်။ ဘာဖြစ်လဲ မောင်က အကြီးပဲ။ ညီကို စောင့်ရှောက်ရမယ့် တာဝန်တောင် ရှိသေးတယ်။ ပြီးတော့ ခုတစ်လော လှိုင်အဖေ့ကို စကားပြောတာဆိုတာ သိပ် မကြည်လင်တာလည်း မောင် မြင်နေရတယ်။ မလုပ် ပါနဲ့ လှိုင်ရယ်။ အဖေက အတူ တူနေနေရတဲ့သူပါ။ နေရ ခက်ပါလိမ့်မယ်။ ပြီးတော့ မောင်တို့နေနေတဲ့ အိမ်က အဖေ့အိမ်ပါ။ အဖေနဲ့ အမေ လက်ဖွဲ့ခဲ့တဲ့အိမ်ပါကွယ်။ မောင်တို့နဲ့ အတူတူနေရင်း အသက်ကြီးမှ အဖေ စိတ်ထဲ သိမ်ငယ်သွားမှာ မောင် စိုးရိမ်တယ်”
“သြော်... သြော်... ကိုယ့်ညီဆိုတော့ ပြောပေး တယ်ပေါ့။ ပိုက်ဆံဆုံးလည်း ဆုံးပါစေပေါ့ ဟုတ်လား။ လိုက်လည်းလိုက်တဲ့ သားအဖ ပေပဲမောင်။ အဖေလုပ်သူ ကလည်း ချေးဖို့ ငှားဖို့ ပြော ပေးလိုက်တာ တစ်ခုပဲရှိ တယ်။ ပိုက်ဆံ ပြန်ဆပ်ဖို့ကျ တော့ သားအငယ်ကို မပြော ပေးတော့ဘူး။ သူ့ဘက်က တော့ ဘာထူးနေလို့လဲ။ ဟို ဘက်ကလည်း သားပဲကိုး”
“အသံက ပိုကျယ်လာပြီ လှိုင်။ အဖေ ကြားပါမယ်ကွာ။ လူကြီးဆိုတာ အအိပ်အနေ နိုးဆတ်တယ်။ နိုးသွားပါမယ် လှိုင်ရာ။ ပိုက်ဆံရှာတာ မောင်ပါလှိုင်။ မောင်ပင်ပန်း ပြီးရတဲ့ ပိုက်ဆံ မောင့်ထက်ပို ပြီး လှိုင် ၀င်မနှမြောနေ ပါနဲ့။ မောင်ပြောထား တယ်နော်၊ ဒီ အိမ်ဟာ အဖေတို့ ပေးတဲ့အိမ်။ အဖေ့အိမ်မှာ မောင်တို့ နေနေ ကြတာ။ အဲဒါကို မမေ့နဲ့”
“သြော်... အဲဒါ လက်ဖွဲ့ ပေးလိုက်တာလေ။ ကိုငယ့် ကိုရော အမေ့စိန်တွေ လက်ဖွဲ့ လိုက်တာပဲ မဟုတ်လား။ ဒီကာလ ဈေးနဲ့ဆိုရင် အဲဒီ စိန်တစ်ဆင်စာဟာ နည်းတဲ့ တန်ဖိုးလား။ သူ့ကားပြင်တာ သူ့စိန်တွေ ထုတ်ပါလား။ အိမ်က ပိုက်ဆံကို ကြေးတန်း ထိုးပြီး ဘာလို့ ယူကြရတာ တဲ့လဲ။ လှိုင် ဖွင့်မပြောချင် လို့ ကြည့်နေတာ သိရဲ့လား။ လှိုင့်မှာ ရင်သွေးရှိတာမဟုတ် ဘူး။ အဖေကအစ ဟိုဘက် က မြေးတွေဆီ သွားသွားပြီး အိပ်ရတာနဲ့၊ မြေးတွေ အတွက် မုန့်ဝယ်သွားရတာနဲ့၊ မောင်ရှာတဲ့ ပိုက်ဆံ အဖေ့ကို ပေးတာ မပြောချင်ပေမယ့် အဲဒီ ပိုက်ဆံနဲ့ မြေးတွေ အတွက် ဆိုပြီး ၀ယ်သွားတဲ့ မုန့်ဆိုတာ ဟိုလင်မယား လည်းစားဖို့ ၀ယ်သွားတာပဲ မဟုတ်လား။ ဟိုက အပြန် တစ်ခုခုများ လှိုင့်အတွက် ဆိုပြီး မှတ်မှတ်ရရ အဖေ ဘာဝယ်လာ ဖူးလဲ။ မောင့်ရှာစာနဲ့ ဟိုက သား၊ မြေး၊ ချွေးမကို သာ ၀ယ်ဝယ်ကျွေးတာ။ မောင့်မယားကို ကျတော့ ၀ယ်ကျွေးရမှန်း မောင့်အဖေ ဘယ်တုန်းက တွေးဖူးသလဲ၊ ဟင်... လှိုင်ချက်ကျွေးတာ ကို လက်ဆေးစား။ ပန်းကန်ကအစ ဒီတိုင်း ချန်ထားခဲ့ပြီး စည်းစိမ်နဲ့ နေနေတာက ဒီအိမ်မှာ။ သွားပြီး ကျွေးဟယ်၊ မွေးဟယ်နဲ့ နေနေတာ က ဟိုအိမ်”
“လှိုင် မပြောနဲ့လို့ ဆိုတာ မရပ်ဘူးလား”
“အို... ပြောလက်စနဲ့ ပြောတော့မှ ဖြစ်မယ်မောင်။ မျိုသိပ်နေတာ ကြာလှပြီ။ ဒီ အိမ်ကလည်း လှိုင်တို့လက်ထဲ စရောက်တုန်းက ဘာရှိလို့လဲ။ ပျဉ်ထောင် အိမ်အို အိမ်ဟောင်းကြီး တစ်လုံး။ အထဲမှာလည်း တူတူ တန်တန်ရယ်လို့ ပရိဘောဂ ကောင်းကောင်း ရှိလို့လား။ အခေါင်းချည်းသက် သက်ရှိတဲ့ အိမ်အိုကြီးတစ်လုံး ပါ။ လှိုင်နဲ့မောင် ကံစပ်လို့ ၀င်ငွေကောင်းလို့ အိမ်ထဲလည်း ပရိဘောဂရယ်လို့ တူတူတန်တန် ဖြစ်လာရတာ။ အိမ်လည်းဆေးသုတ်ပြင်ဆင်၊ ကားလည်းရှိလာရတာ။ မောင့်ကိုကျတော့ အိမ်အိုကြီး တစ်လုံးပေးပြီး သူတို့လည်း နေကြတယ်။ ဟိုဘက်ကို ကျတော့ ရွှေတွေ ထည်နေအောင် ပါတဲ့ စိန်ထည်တွေ ပေးလိုက်တာ။ မောင့်မိဘတွေကလည်း သားငယ်ဆိုပြီး ဟိုဘက်ပါတယ်။ ပြီးတော့ အိမ်မှာကျတော့ အစက မောင့်အမေနဲ့ အမေတွေပါ တင်ကျွေးထားရတာ။ အခု လည်း မောင့်အဖေကို တင်ကျွေး နေရသေးတာပဲ။ လူတစ်ယောက် စရိတ်တောင်မှ ကိုငယ်တို့ဘက်က ခံချင်လို့လား။ သူ့ကိုလည်း ဆရာဝန် ဖြစ်အောင် သင်ပေးခဲ့တာပဲ။ အဖေတို့မှာ ဟိုတစ်လှည့် ဒီတစ်လှည့် နေတာမျိုးတောင် မရှိခဲ့ဘူး။ ခုလည်း လှိုင်ချက် ကျွေးတာစားပြီး ဟိုကို အလည်သွား၊ ဟိုကိုကျွေးမွေး နေတာ မောင့်အဖေပါ မောင်။ အဲဒီအပြင်... ငွေဆယ်သိန်း လည်း ဆုံးရပြီ”
“ဟာ... ဒီမိန်းမ... ငါ့ အဖေကို ပြောတာ ဒီလောက် ပစ်ပစ်ရက်ရက် ရှိရသလား။ အဲဒါ ငါ့အဖေကွ”
အုံး ဒိုင်းနှင့် အသံတွေ ကြားရသည်။ ရိုက်ပြီဆိုတာ ဦးဖေငယ် သိသည်။ မဖြစ် စဖူးသည့် ရန်ပွဲ။ ရင်ထဲမှာ မကောင်းနိုင်တော့ပြီ။ ၀င်တား၍လည်း ပိုဆိုးကုန်ဖို့ပဲ ရှိမည်။ ချွေးမဖြစ်သူက အလွန်တရာကိုမှ ခံစား ပေါက်ကွဲနေချိန် ဖြစ်နေပြီ။ ကိုယ့်မျက်နှာ မြင်လျှင် ပို၍ ပေါက်ကွဲ ပြောချလိုက်ဖို့ ၀န်လေးတော့မှာ မဟုတ်။ ပေါ် ပေါ်ထင်ထင် ပြောချေလျှင် သားကြီးက အဖေဇောနှင့် ပို၍ ရိုက်နှက်ပစ်မည်။ လင်မယား ကွဲနိုင်သည်။ ကိုယ် အိပ်သည့် ခုတင်ကလည်း နံရံ အနီးမှာ ကပ်လျက်ရှိနေတာ မို့ တစ်ဖက်ခန်းဆီမှ ငိုသံ၊ အကြီးကောင်၏ ဒေါသသံ၊ ၀ုန်းခနဲ တွန်းချလိုက်သည့် ခုံတစ်ခု၏ ပြိုကျသံ။ ဦးဖေငယ် မျက်ရည်ကျ နေသည်။ ရင်ထဲမှာလည်း တ၀ုန်းဝုန်း ပြိုနေပြီ။ ကြေကွဲစွာ ရိုက်ခတ် လိုက်ပါသည့် အားငယ်ခြင်း၊ သိမ်ငယ်ခြင်း များ၏ မုန်တိုင်းကြောင့် ပြိုကျနေကြသည်က နှလုံးအိမ် တစ်ခုလုံး ဖြစ်နေသည်။
ဦးဖေငယ် ဘဏ်သို့ သွားကာ လက်ကျန် ငွေငါးသိန်းကို ထုတ်သည်။ အိမ်သို့ ပြန်ရောက်တော့ မီးဖိုခန်းထဲမှာ မျက်နှာ မသာမယာနှင့် ချက်ပြုတ်နေသည့် ချွေးမကို အားတောင့်အားနာ အနေရ ကျပ်ခြင်းတို့ဖြင့်ကြည့်ကာ...
“အဖေ... မနက်စော စောပဲ လမ်းလျှောက်ထွက် သွားလိုက်တယ် သမီးလှိုင်။ အပြင်မှာပဲ လက်ဖက်ရည်နဲ့ မုန့် ၀ယ်စားလိုက်တယ်။ ဒါက သမီးစားဖို့ သမီးကြိုက်တဲ့ မုန့်ဟင်းခါး သုပ်လေး ၀ယ်လာတယ်။ ပဲကပ်ကြော်နဲ့ ငါးဖယ်ဆုပ်လည်း ပါတယ် သမီး”
ဟု ပြောကာ မုန့်ဟင်း ခါးသုပ်အထုပ်လေးကို ထမင်းစား စားပွဲပေါ်ချတော့လည်း မိလှိုင် လှည့်မကြည့်။ နေရခက်နေပုံ ရသည်။
မနက်က ကိစ္စ ကြားခဲ့ပြီ ဟုလည်း နားလည် ထားပုံရ၏။ တကယ်က အပြင်စာလေး ဘာလေး ၀ယ်လာမိလျှင်ဖြင့် စနစ် ဇယားကြီးသော ချွေးမ က အပို ငွေကုန်သည်ဟု ငြိုငြင်မှာ စိုးစိတ်ဖြင့် ဟိုတုန်းက မ၀ယ် လာရဲခဲ့ခြင်း ဆိုတာ ဖွင့်လည်း မပြောချင်တော့ ရှင်းပြလိုက်ခြင်း ဖြင့်လည်း ပို၍ ဆိုးသွားကာ နေရထိုင်ရ ပိုကျပ်တာပဲ အဖတ်တင်ကျန်မည်။ ဤအတိုင်း နေလိုက် သည်ကမှ ကောင်းမည်ဟု ဦးဖေငယ် မှတ်ယူပါ၏။
“သားကြီးရော... အလုပ် သွားလိုက်ပြီလား”
ချွေးမဖြစ်သူ၏ ခေါင်းအညိတ်သည် ခပ်လေးလေး ရှိ၏။ ပြောမိခဲ့သည့် စကား အတွက်လည်း တောင်းပန်ရ မှာ မျက်နှာ အပြရကို ခက်နေ သည့်ဟန် ဖြစ်နေသည်။ အားလုံး ကြားသွားပြီးပြီဟုလည်း နားလည်ထားဟန် ရှိသည်။ သူကလည်း ကြားထားရသည်မို့ မနက်မှာ ဆုံရမှာ အနေရ ကျပ်သည်နှင့် ခပ်စောစော ထ၍ ဘယ်သူမှ မမြင်နိုင်သေးခင်မှာပဲ လမ်းလျှောက် ထွက်ခဲ့သည်။ လူ သုံးယောက်ရှိသည့် အိမ်မှာ မနက် လေးနာရီလောက်က ဘာတွေဖြစ်ခဲ့သည် ဆိုတာ လူသုံးယောက် စလုံးက သိနေ ကြပြီးပြီ ဆိုတာကို ဤလူသုံး ယောက်စလုံး ကလည်း အလိုလို နားလည်ထားပြီး ဖြစ်ခဲ့ ကြပြီပဲလေ။
“အဖေ ငွေပိုလည်း သိပ်မလိုတာနဲ့ ဘဏ်က ငွေငါးသိန်း ထုတ်ခဲ့တယ် သမီး။ အငယ်ကောင် ပိုက်ဆံ ဆပ်ရမယ့် ဆယ်သိန်းထဲက ငါးသိန်းကို အဖေဆပ်လိုက် တယ်လို့ပဲ မှတ်ပါ သမီးရယ်။ ကဲ... ကဲ... အကြွေးကိစ္စ ကြာလည်း ကြာလှပေါ့။ အဖေ အငယ်ကောင်ဆီ သွားလိုက်ဦးမယ်။ နေ့လယ်စာ လမ်းမှာပဲ ၀ယ်စားလိုက်မယ် သမီး။ အငယ်ကောင့်အိမ်မှာ ညအိပ်ဖြစ်မှာလည်း မဟုတ်ဘူး။ ညစာပဲ အဖေ ဒီမှာ စားမယ်”
ဟု ပြောကာ ဦးဖေငယ် အိမ်မှ ထွက်၏။ နေ့လယ်စာ နီးနေပြီပဲ အဖေ၊ ဒီမှာ စားပြီးမှ သွားပါလားဟု ချွေးမဖြစ်သူ ထံမှ စကား ထွက်ကျမလာ။ ငိုင်ကျန်ခဲ့၏။ ငွေငါးသိန်း ကတော့ ထမင်းစားစားပွဲ ထက်မှာ ငြိမ်သက် ကျန်ခဲ့လေ၏။
“သြော် လက်စသတ်တော့ နေ့လယ်စာ အမီ ဒီကို လာပြီး ကိုကို့ဆီက အကြွေး တောင်းဖို့ ရောက်လာတယ် ဆိုပါတော့။ ကိုကို့အဖေက ဘယ်လိုကြီးလဲ ကိုကို။ ဒါကြောင့်ဖြစ်မှာ။ အကြွေး တောင်းတဲ့ ကိစ္စ ပြတ်ပြတ် ပြောနိုင်အောင် ဆိုပြီး အိမ်မှာ နေ့လယ်စာ ထမင်းတောင် မစားဘူး။ စားလာပြီးပြီတဲ့။ မျက်နှာကလည်း ပျက်နေ လိုက်တာ။ သူ့သားကြီး အကြွေး ဆုံးတော့မှာ ကျနေတာပဲ။ ခု ကိုကို ပြန်လာတော့ ခြံထဲခေါ်ပြီး ကျိတ်ကျိတ် ကျိတ်ကျိတ်နဲ့ အကြွေး လာ တောင်းတယ် ဆိုပါတော့။ ပြောလိုက် ကိုကို။ မဆုံးစေရ ပါဘူးလို့”
ထမင်းစားခန်းဆီမှ စကားသံသည် ဧည့်ခန်းသို့ တိုင်လွင့်၏။ သားငယ်ကို အကြွေးကိစ္စ ခြံထဲခေါ်၍ ချွေးမငယ် ထွေးထွေး မကြားအောင် တိုးတိုးသက်သက် ပြောခဲ့သည့် ကိစ္စ အရာမထင် အကျိုးမရှိဘဲ ဖြစ်ကုန်ရပြီ။ ထမင်းစားခန်းမှာ သားက တိုးတိုး ပြောပေမယ့် ချွေးမက အသံကျယ်ကျယ်ဖြင့် ပြောနေပြီ။ တမင် ပြောခြင်း ဟုလည်း နားလည်လာသည်။ ဧည့်ခန်းမှာတော့ ယောက္ခမ လူအိုကြီး ထိုင်နေသည်ကို သိထား သည်ပဲလေ။ ဦးဖေ ငယ်ရင်ထဲ မကောင်းတော့ပြီ။ ဤ ငွေဆယ်သိန်း ကိစ္စ ပေါ်လာမှ သောကတွေ များလိုက် ရသည့်အဖြစ်။ ခါတိုင်းလို မနက်စာ ကော်ဖီလေး သားကြီး၊ ချွေးမကြီးတို့နှင့် အတူစားသောက်၊ လမ်းလေးဘာလေး ထွက်လျှောက်။ စိတ်ထဲပေါ် လာလျှင်လည်း လက်ဖက်ရည်ဆိုင် ခဏ၀င်ထိုင်။ လက်ဖက်ရည် ကျဆိမ့်လေး တစ်ခွက် လောက်သောက်။ ဘိန်းမုန့်လေး တစ်ခုလောက်စား။ အိမ်သို့ပြန်။ တရား စာအုပ်လေးဖတ်။ အေးချမ်းလိုက်ပါ သည့်ဘ၀။ အခုကျတော့ အားလုံး ပြုတ်ပြိုဆင်းသွား ကုန်ပြီ။ နေ၍ ထိုင်၍ကို မရ။ သားငယ်အိမ်မှာလည်း မျက်နှာပျက်ရ၊ သားကြီး အိမ်မှာလည်း မျက်နှာမလှ။ တခြား နေစရာကလည်း မရှိ။ အိုကြီးအိုမနှင့် ဘယ်သွား နေရပါ့။
“မအော်နဲ့ ထွေး။အဖေက ပိုက်ဆံရအောင် ချေးပေးတာ။ ပြန်ဆပ်ဖို့လည်း လာပြောမှာပေါ့။ ကိုကို အပ်ထားတဲ့ ပိုက်ဆံတွေ ပေးကွာ။ အဖေ့ လက်ထဲပြန်ထည့် လိုက်မယ်။ ကိုကြီးကို ကြွေးဆပ်မယ် ဆိုပြီး ထွေးဆီက ကိုကိုတောင်းတိုင်း မပြည့်သေးဘူး မပြည့်သေးဘူးနဲ့ လုပ်နေတာ။ ခု အဖေက ငါးသိန်း ဘဏ်ကထုတ်ပြီး ပေးလိုက်ရ ရှာပြီ။ ဆယ်သိန်း မပြည့်လည်း ရှိသလောက်ပေး။ အဖေ့လက်ထဲပဲ ထည့်ပေး လိုက်ပါတော့လို့ အဖေက ပြောနေတာ။ ကိုကြီးဆီကို ကိုကို ကိုယ်တိုင်လည်း သွားပေး မနေပါနဲ့တော့တဲ့။ အလုပ် ပျက်ပါတယ်တဲ့”
“သြော်... သူ့သားကြီး ပိုက်ဆံပြန်ရအောင် အသေအချာ လုပ်နေတာပေါ့လေ။ ဘာလဲ ထွေးတို့ ဆပ်မယ် ဆိုတာ မယုံတဲ့ သဘောလား။ ဒီမယ် ထွေးတို့က ကိုကို့ကို အိမ်ပေါ် ခေါ်တင် ထားတာပါနော်။ ကားဆိုရင်လည်း ကိုကို့လက်ထဲ သော့အပ်ခဲ့တဲ့ ထွေးရဲ့မိဘတွေပါ။ ခု ထွေး ရဲ့မိဘတွေ မရှိတော့ပေမယ့် ခုထိလည်း ကိုကိုဟာ ထွေးရဲ့ မိဘ အရိပ်မှာပဲ ခိုနေရဆဲ မဟုတ်လား။ ကိုကို့အမေရဲ့ စိန်တွေ၊ ရွှေတွေဆိုတာက ကိုကို့အစ်ကိုကြီး ရလိုက်တဲ့ မြေနဲ့ အိမ်ကြီးရဲ့တန်ဖိုးနဲ့ ဆိုရင် အဖျား အနားလေးပါ။ ကိုကိုဟာ မဖြစ်စလောက် စိန်ထည်လေးတွေ ပေးပြီး ဆရာဝန်ဆိုတဲ့ လူတစ်ယောက် အဖြစ် အိမ်ပေါ် တက်လာတဲ့ ယောက်ျား တစ်ယောက်ပါ။
ခုလည်း ဟိုမိန်းမကို ငွေငါးသိန်း သွားပေးလိုက်သတဲ့။ ဟင် အဲဒီ ငွေငါးသိန်း ဆိုတာက နှစ်သိန်းခွဲ ကိုကိုအမွေ ရထိုက်တဲ့ ငွေတွေရှင့် သိရဲ့ လား။ အခု ဟိုကို ရောက်သွားပြီ။ ဒီမယ်ကိုကို ဆယ်သိန်းလုံး ပြန်ပေးလိုက်တယ်ပဲ ထား။ ဟိုကို ကိုကို့ အဖေက အားလုံး ပြန်အပ်လိုက်မှာပဲ။ ဒီတော့ ဟိုငါးသိန်းကို ကိုကို့ အဖေ ပြန်ရမယ်များ မှတ်သလား။ ဟိုကောင်မ အပိုင်စီး သွားမှာ။ သူက ငါးသိန်း စလုံး အုပ်အုပ်ခဲခဲ လက်ထဲ ဆုပ်ထားလိုက်ရတာ။ ဒီမှာ ဖြင့် ကလေး လေးယောက်နဲ့ ကသီနေလိုက်တာ။ ကလေး မရှိ ဘာမရှိနဲ့ အဲဒီကောင်မ သူ့လင်လုပ်စာနဲ့ ပေါလျှံနေတဲ့ ဥစ္စာ။ ငွေဆယ်သိန်း လောက်များ ဒီဘက်ကို တဂျီဂျီလုပ် နေရက်တယ်။ အဖေက လည်း အဖေ။ သူ့သားကြီး ငွေတွေဆုံးမှာ စိုးနေတာကိုး။ ရှင်လည်း အဖေ့သားပါပဲ။ ဒီလောက်အထိ အဖေက သားကြီးဘက် ပါနေဖို့ မကောင်းပါဘူး။ လူကြီးပဲ ဥစ္စာ”
“ဟာကွာ... မင်း လွန် လာပြီနော်။ ကဲ... ကဲ ဟာ”
ပြိုကျသံ၊ ငိုယိုသံ။ ဦးဖေငယ် ထမင်းစားခန်းထဲ မ၀င်တော့ပါ။ ရင်ထဲမှာ ပြိုနေပြီ။ နှလုံးသားတွေ ပဲ့ကြွေ နေရုံမျှသာ မဟုတ်တော့ပြီ။ သောခနဲ ဝေါခနဲ ပြိုဆင်း ကုန်ပြီ။ မျက်ရည်ကျလျက် ဦးဖေငယ် အိမ်ပေါ်မှ တိတ်ဆိတ်ငြိမ်ကျစွာပဲ ဆင်းခဲ့ပါ ၏။ ထမင်းစားခန်းဆီမှ ပန်းကန်ခွက်ယောက်ကွဲသံ တွေက ကျယ်လောင်လွင့်ပျံ့ လာနေသည်။
တကယ်တမ်း မနက်စာ၊ နေ့လယ်စာလည်း ဘယ်မှာမှ စားခဲ့တာ မဟုတ်။ နေပူ ကျဲကျဲကြီးထဲမှာ ယောင်နန နိုင်စွာပဲ ခြေလှမ်းနှေးနှေးဖြင့် ဦးဖေငယ် လျှောက်သည်။ အပူရှိန်သည် ခေါင်းတည့်တည့်ကို ထိုးသည်သို့ ရှိ၏။ နှလုံး တည့်တည့်သို့လည်း လောင်သည်သို့ ရှိ၏။ အာခေါင်တွေ ခြောက်ခြောက် နေလျက် ရင်သည် ဆို့နေ၏။ လည်ချောင်းတွေပါ ခြောက်လာသည်။ အားတွေ ပြုတ် ပြုတ်ပြုန်းအောင် ထုချေ ဆုတ်ဆင်းနေသည်သို့ ရှိ၏။ ဘတ်စ်ကားမစီးဖြစ်ဘဲ လျှောက်လာလိုက်သည့် အချိန်တွေသည် မနည်းလှ။ ခြေတွေက သွားနေကျလမ်း တွေမို့ အိမ်သို့တိုင်အောင် ပလက်ဖောင်းတွေ အတိုင်း လူကူး မြင်းကျားတွေကို ဖြတ်သန်း၍ လာခဲ့သည်။ ကားသံ တွေကို ကြားခဲ့တာရှိသည်။ လူသံတွေကိုလည်း ကြားခဲ့ တာတွေရှိသည်။ ၀ိုးတ၀ါး လူရိပ်တွေကို ကျော်ဖြတ်ခဲ့တာ ရှိသည်။ ဒါပေမယ့် အာရုံ သည် မကြည်လင် မပီပြင်ခဲ့ သည်ကောဟု နားလည်လာ နေရသည့် ဦးဖေငယ်။
အိမ်သို့ ပြန်ရောက်ချိန်သည် ဘယ်နှနာရီ ထိုးနေပြီ ဆိုတာကိုပင် မခွဲခြားနိုင်စွမ်း တော့အောင်ဖြစ်နေသည်။ မျက်စိတွေ ပြာနေ၍ ညနေဟု ထင်နေရသည်လား။ ညနေ တကယ်ပဲ ဖြစ်လာ နေပြီလား။ ၀ိုးတ၀ါး အရိပ်တစ်ခုသည် ထမင်းစားခန်း ဘက်ဆီမှ လာနေသည်။ ဦးဖေငယ် အနိုင်နိုင် ဧည့်ခန်းသို့ ခြေကိုသယ်သည်။ ရင်သည် ဆို့နေ၏။ ခြေသည် ညွတ်၏။ ပြိုကျ ပြုတ်ကျနေပြီ ဆိုတာကို သိနေပေမယ့် ထိန်းရန် အားအင် မကျန်တော့။ အလွန် လျင်မြန်စွာပဲ လက်ကျန် အားအင် တည်းတည်းမျှင်မျှင် သည် လွင့်ခနဲလွင့်ခနဲ ကိုယ်ထဲမှ ထွက်ခွာ နေကြသည်ဟု ခံစားရ၏။ ကြမ်းပြင်သို့ ကျသည့် အရှိန်သည် ခေါင်းကို လည်းထိ၏။ ရင်ကိုလည်း ဆောင့်၏။ ပွေ့လိုက်တာကို သိနေသည်။ မော့အကြည့်မှာ အမြင်သည် ချွေးမ မိလှိုင် ဖြစ်နေသည်။ အမြင်က ၀ါးဝါး ရိပ်ရိပ်လှုပ်နေသည်။
အကြွေး... အကြွေး ဆယ်သိန်း... ငါးသိန်းပဲ ကျေနိုင်ခဲ့ပြီ။ ငါးသိန်းကျန် နေပြီ။ ကိုယ့်ပယောဂကြောင့်၊ ကိုယ့်တာဝန် မကင်းခြင်းများ ကြောင့် သားကြီးနှင့် ချွေးမ တို့မှာ ငွေငါးသိန်း ဆုံးရချေ တော့မည်။ ကိုယ်သည်လည်း ကျေအောင်ဆပ်နိုင်ရန် အားအင်မရှိ။ အချိန်မကျန်။ အရွယ်မမျှ။ ဘာမျှမတတ်နိုင် သည့် သူအိုတစ်ယောက်သည် မကျေသော ကြွေးကို လောကကြီးမှာ ချန်ထားရစ်ခဲ့ ရတော့မည်။
မအေးခက်ကို မြင်သည်။ ဇနီးသည် အေး၏ လှမ်းသည့် လက်ကိုလည်း မြင်နေရပြီ။ ဒါပေမယ့် နောက်ဆံ ငင်နေသည့် ဇောက ရှိနေသည်။
“အကြွေး... အကြွေး ကို... ကျေ... ကျေ... ပေး ဖို့... သားကြီးကို ပြော... ပြောပြ...ပေးပါ... သမီးက လည်း ... အဲဒီ... အကြွေး ကို... ကျေ... ပေး... ပါ”
အားစိုက်၍ မနည်း ပြောရသည်။ သားကြီး အလုပ်မှ ပြန်မရောက်သေးတာကို သိနေသည်။ သားငယ်၏ ရန်ပွဲသည်ကော အဆုံးသတ် ပါရဲ့လား။
“သမီးလှိုင်... အဖေ လေ... အကြွေး... မကျေခဲ့တဲ့ အတွက်... စိတ်... မကောင်း... ပါ... ဘူး”
ဇောသည် အကြွေးထဲမှာ နစ်နေသည်။ နောက်တော့ အကြည့်သည် ဘုရား စင်ထံမှာ တန့်၏။ ဦးဖေငယ်၏ မျက်ဝန်းတွေက ပွင့်နေသည်။ ဒါပေမယ့် မမြင်ရ တော့ပြီ။ မသိမသာ ဟနေသည့် နှုတ်ခမ်းသည် ဖြူဖျော့ နေ၏။ မနက်ကတည်းက ဘာမျှ မစားခဲ့ရဘဲ ၀မ်းဟောင်းလောင်းဖြင့် သားနှစ်ယောက်၏ ရင်ငွေ့နှင့် ဝေးကင်းနေရင်းဖြင့် အဖေ တစ်ယောက်သည် အကြွေး မကျေမှာကို စိုးသည့်ဇော၏ နှိပ်စက်မှု အောက်ဝယ် ကွယ်လွန်ခဲ့ရ ချေပြီတကား။
ကျေးဇူးကြွေး၊ မေတ္တာကြွေးတို့ကို မည်သူကျေအောင် ဆပ်မည်နည်း။
သွားလေသူက သွားလိုက်ပြီ...။
ဝတ္တရားကြွေးတွေ တင်ကျန်ရစ်သူက ကျန်ခဲ့ပြီ...။
(အမည်မသိစာရေးသူ) - စာရေးသူအမည် သိပါက အကြောင်းကြားပေးပါရန်။
မှန်တစ်ချပ်
တရားလိုပြ သက်သေ အမှတ်(၁)မှာ ဆယ်ကျော်သက်အရွယ် လူငယ်ကလေးတစ်ဦးဖြစ်သည်။ ဟောင်းနွမ်းညစ်ပေ အကွက်မလည်တော့ပြီဖြစ်သော လက်စက စွပ်ကျယ်ဖားဖားနှင့် ကျောင်းစိမ်းလုံချည်
ဟောင်းကို ၀တ်ဆင်ထားသည်။ မှုန်မွဲသောရုပ်သွင်ဟု ဆိုရမည်။
တရားခွင် သက်သေထိုင်ခုံရှေ့တွင် သူကို မတ်တပ်ရစ်စေ၍ ကတိသစ္စာပြုခိုင်းလိုက်သည်။
“နာမည် ဘယ်သူလဲ”
“မောင်ဖိုးတိုးပါ ”
“အသက်”
“၁၂နှစ်”
“ကျောင်းသားလား”
“မဟုတ်ပါဘူး၊ ကျောင်းထွက်တာ နှစ်နွေရှိပါပြီ”
“အဖေနာမည်”
“ဦးဘိုးတေ”
“ဦးဘိုးတေ ဟုတ်လား။ ဒါဆိုရင် မင်းဟာ ဟောဒီရုံးရှေ့က တရားလို
တရားပြိုင်တို့ရဲ့သားပေါ့”
“ဟုတ်ပါတယ်”
“မင်းဟာ မင်းအမေပြတဲ့ တရားလိုပြ သက်သေ၊ အကြင်လင်မယားအဖြစ်မှ
ကွာရှင်းပြတ်စဲပေးပါလို့ မင်းအမေကိုယ်တိုင်က တရားလို ပြုလုပ်စွဲဆိုတဲ့အမှုမှာ မင်းရဲ့ အဖေက ကွာရှင်းမပေးနိုင်ပါဘူးလို့ချေပခဲ့တယ်။ အဲဒီအမှုမှာ အမေဘက်က သက်သေအဖြစ် မောင်ဖိုးတိုးက ထွက်ဆိုမယ် ဟုတ်လား။ အဲဒါကိုကောင်းကောင်းနားလည်ရဲ့လား”
“ကျွန်တော် ကောင်းကောင်းကြီး နားလည်ပါတယ်”
ဖျတ်ခနဲ တောက်လဲ့သွားသော မျက်ဝန်းဝင်းဝင်းကလေးများကလည်း ကျွန်တော် ရှင်းပြသည်ကို တကယ်နားလည်ကြောင်း ဖြေဆိုနေချေသည်။ အံသြလို့မကုန်မီ သက်ပြင်းမောတစ်ခုကို ကျိတ်၍ ချလိုက်မိတော့သည်။
တရားသူကြီး တော်တော်များများသည် ကွာလိုမှုကို စစ်ဆေးစီရင်လိုခြင်း မရှိကြပါ။ မလွှဲမရှောင်သာ လက်ခံစစ်ဆေးရလျှင်လည်း ကွာရှင်းမပေးလိုသည့်ဘက်မှ အလေးပေး စဉ်းစားပေးတက်ကြသည်။ ကွာပေးရမည်ကို စိုးရွံ ကြသည်။ ကွာရှင်းခွင့် ဒီဂရီမှာ လက်မှတ်ရေးထိုးပေးခြင်းထက် လက်ထပ်စာချုပ်ပေါ် လက်မှတ်ရေးထိုးရခြင်းကို ပို၍နှစ်လိုကြသည်။ မင်္ဂလာရှိသည်ဟု ထင်သည်။ သည်အထဲမှာ ကျွန်တော်လည်း ပါသည်။
သို့ဖြစ်၍ မောင်ဖိုးတိုးလေးကို အလောတကြီး ရှင်းပြမိခဲ့ခြင်း ဖြစ်လေသည်။ တရားလိုနှင့် တရားပြိုင် နှစ်ဖက်စလုံးကို အကျိုးဆောင်ရှေ့နေ ငှားရမ်းခြင်းမရှိသဖြင့် သက်သေထွက်ဆို
ချက်များကို ပြည့်ပြည့်စုံစုံ ရရှိစေရန် ကျွှန်တော်ကပင် ဦးဆောင်မေးမြန်းရလေသည်။
(၂)
“မောင်ဖိုးတိုး၊ မင်းတို့ရဲ့ မိသားစုအခြေအနေက စပြီး မင်းသိသမျှ ပြောစမ်းကွာ”
ဖိုးတိုးကလေးက မျက်လုံးလေးပေကလပ် ပေကလပ်နှင့် သွက်လက်ချက်ချာစွာ ထွက်ဆိုချက်ပေးလေ
သည်။
“အဖေနဲ့ အမေမှာ သားသမီးလေးယောက်ရှိပါတယ်။ ကျွှန်တော်က သားအကြီးဆုံးပါ။
ညီလေးတစ်ယောက်နှင့် ညီမလေးနှစ်ယောက်လည်း ရှိပါသေးတယ်။ အမေက ကောက်စိုက်ချိန်၊ ကောက်ရိတ်ချိန်တွေမှာ လက်စားလိုက်ပြီး လယ်ထဲ ချောင်းထဲမှာ ငါးရှာ ဖားရှာလည်း
လုပ်ပါတယ်။ ကျွန်တော်ကိုလည်း လေးတန်းအောင်တဲ့အထိ ကျောင်းထားပေးခဲ့ပါသေးတယ်”
“အဖေရော ဘာလုပ်သလဲ”
“အရက်သောက်ပါတယ်။ ညနေ ညနေဆို အမေရှာပေးတဲ့ ငွေကလေးနဲ့ အရက်မူးအောင် သောက်ပြီး အမေ့ကို ရမ်းပါတယ်”
“အလုပ်လေ၊ ဘာအလုပ်လုပ်သလဲ”
“အဲဒါ အဖေ့အလုပ်ပါ။ နောက် အဖေလုပ်တာ တစ်ခုရှိပါသေးတယ်”
“ဘာလဲ”
“နောက်မိန်းမတစ်ယောက်ယူပြီး အိမ်ပေါ်ခေါ်တင်ထားတာပါ”
“အဲဒီတော့ မောင်ဖိုးတိုးရဲ့ အမေက ဘယ်သူနဲ့နေသလဲ”
“အဖေနဲ့ပဲ နေပါတယ်”
“အဲဒီတော့ အဆင်ပြေသွားကြရောလား”
“အစပိုင်းတော့ အဆင်ပြေပါတယ်။ နောက်ကျတော့ အဖေက အမေ့ကိုခဏ ခဏ ရိုက်ပါတယ်။
အမေလည်း ဦးလေးငပြားနောက် လိုက်ပြေးတော့တာပဲ”
“ဦးလေးငပြားဆိုတာ ဘယ်သူလဲ”
“အမေ ပထမယူထားတဲ့ နောက်ယောကျာင်္းပါ”
“ဟေ…ဘယ်လို၊ ပထမယူတဲ့ နောက်ယောကျာင်္း၊ ဟုတ်လား”
“ဟုတ်ပါတယ်။ အမေလည်း ဦးလေးငပြားနောက်ကို လိုက်သွှားရော အဖေလည်း ဦးလေးငပြားကို မယားခိုးတယ်ဆိုပြီး တရားစွဲတော့တာပါပဲ”
“အဲဒီတော့ ဦးလေးငပြားဆိုတဲ့သူ ဘာဖြစ်သွားသလဲ”
“ဘာမှ မဖြစ်ပါဖူး။ ဦးလေးငပြားက အဖေ့ကို ငွေသုံးထောင်လျော်ကြေးပေးပြီးအမှုပိတ်သွားပါတယ်”
ပြစ်မှုဆိုင်ရာ ဥပဒေပုဒ်မ(၄၉၇)အရ စွဲဆိုသော မယားခိုးမှုသည် တရားလို လင်ယောကျာင်္းက ကျေအေးလွှာတင်လျှင် ကျေအေးပိတ်သိမ်းနိုင်သော အမှုမျိုးဖြစ်သည်။
ဖိုးတိုးကလေး၏ ဖခင် ဦးဘိုးတေက ငွေသုံးထောာင် လျော်ကြေး ယူ၍ ကျေအေးလွှာ တင်သွှင်းပေးခဲ့ ပုံရသည်။
“အဲဒီနောက်ကျတော့ မင်းရဲ့မိခင်နဲ့ ဦးငပြားတို့ဆက်ပြီး ပေါင်းသင်းနေခဲ့သလား”
“ဟင့်အင်း မပေါင်းရပါဘူး။ အဖေက ဦးငပြားကို အမေနဲ့ ကင်းကင်းရှင်းရှင်းနေရမယ်
လို့ ပြောပြီးမှ အမှုပိတ်ပေးခဲ့တာပါ”
“အဲဒီတော့ မောင်ဖိုးတိုးရဲ့မိခင်က”
“အမေက အဖေနဲ့ပဲ ပြန်ပြီးနေရပါတယ်။ အရင်တုန်းကလိုပဲ အဖေနဲ့သူရဲ့နောက်မိန်းမကို လုပ်ကိုင်ကျွေးရပါတယ်။ အဖေကလည်း အရင်တုန်းကလိုပဲ အမေ့ကိုနှိပ်စက်ပါတယ်”
“အဲဒီနောက်ကျတော့ကော”
“အမေဟာ အဖေနဲ့ သုံးလေးလလောက် အတူတူနေပြီး ဒုတိယနောက်ယောကျာင်္းနောက်ကို
လိုက်ပြေးသွားပါတယ်”
“အဲဒီ ဒုတိယနောက်ယောကျာင်္းက ဘယ်သူလဲ”
“ကျွန်တော်ပြောလို့ မဖြစ်ပါဘူး”
“အမေက မပြောနဲ့ဆိုလို့ပါ”
“ဘာကြောင့် မင်းအမေက မပြောခိုင်းတာလဲ”
“အဖေက မယားခိုးမှုနဲ့ တရားစွဲမှာစိုးလို့ပါ”
“နေပါဦး၊ အခုမောင်ဖိုးတိုးက ဘယ်သူနဲ့ အတူနေလဲ။ အမေနဲ့လား၊ အဖေနဲ့လား”
“အစကတော့ ကျွန်တော်တို့မောင်နှမတွေ အကုန်လုံး အမေ့နောက် လိုက်သွားကြတာပါ။ အခုတော့ ကျွန်တော် အမေနဲ့လည်း မနေဘူး။ အဖေနဲ့လည်း မနေဘူး။
ဘကြီးဦးလှိုင်ဘွား တို့ဆီမှာပဲ စာရင်းငှားသွှား လုပ်နေပါတယ်”
“ညီလေး၊ ညီမလေးတွေက အမေနဲ့ အတူနေတာပေါ့”
“ဟုတ်ကဲ့”
“မင်းတို့အမေရဲ့ ဒုတိယယောကျာင်္းနဲ့ အတူနေကြတာဟာ အမေအဖေတို့နဲ့ အတူနေရတာထက်
ပိုပြီး မင်းတို့ စိတ်ချမ်းသာကြသလား”
ဖိုးတိုးလေး တစ်ကိုယ်လုံး ဆတ်ခနဲ တုန်သွားသည်။
တစ်လျှောက်လုံး အရွယ်နဲ့ မလိုက်အောင် သွက်လက်ချက်ချာစွှာ ဖြေဆိုခဲ့သော ဖိုးတိုးကလေးသည်
ရုတ်တရက် ငြိမ်သက်သွားပြီး ကျွန်တော်ကို တွေတွေကြီး စိုက်ကြည့်နေသည်။
မျက်လုံးဝင်းဝင်းကလေးများမှာ ရီဝေလျက် ပိုမိုရွှန်းလဲ့လာ၏ မျက်ရည်ကြည်များ ဖြစ်ပေလိမ့်မည်။ သည်မေးခွန်းကို မေးလိုက်မိပြီးမှ အမှုအတွက် မေးရန် မလိုအပ်သော မေးခွန်းဟု သတိပြုလိုက်မိသည်။
ဖိုးတိုးလေး မဖြေလျှင်လည်း နေပါစေတော့လေ။
နောက်မေးခွန်း မေးမည်ပြင်လိုက်စဉ်မှာပင် ဖိုးတိုးကလေး ကခေါင်းကို
ယင်နားခံရသလို ရုတ်တရက် ခါယမ်း လိုက်လျက်
“ကျွန်တော်တို့ စိတ်ချမ်းသာဖို့ထက် အမေစိတ်ချမ်းသာဖို့က ပိုပြီး အရေးကြီးပါတယ်”
ကျွန်တော် ပါးစပ်အဟောင်းသားဖြစ်သွားသည်။ သည်မျှ ခံစားမှုကဲသော အဖြေမျိုး ဖိုးတိုးလေး
ဖြေမည်ဟုမမျှော်လင့်မိ။ သူ့ကိုကြမ်းတမ်းသော ဘ၀က သင်ကြားပေးလိုက်ခြင်း ဖြစ်တန်ရာသည်။
“ဒါဖြင့် မောင်ဖိုးတိုးလေးရဲ့ မိခင်ဟာ အခုယောကျာင်္းနဲ့ စိတ်ချမ်းသာနေတယ်ပေါ့”
“ဟုတ်ကဲ့”
“ခုပေါင်းနေတဲ့ ယောကျာင်္းက မောင်ဖိုးတိုးရဲ့မိခင်ကို ကောင်းကောင်းမွန်မွန် ရှာဖွေလုပ်ကိုင် ကျွေးနေလို့လား ”
“ဟင့်အင်း အမေကပဲရှာကျွေးတာပါ။ ပြီးတော့ အဖေ့လိုပဲ သူလည်း အရက်သောက်
တတ်ပါတယ်။ ဒါပေမဲ့ သူကအဖေထက် တစ်ခုသာတယ်”
“ဘာများပါလိမ့်ကွာ”
“အမေ့ကိုမရိုက်ပါဘူး၊ မနှိပ်စက်ဘူး၊ မူးရင် မရမ်းဘူး”
ကျွန်တော် ဒုတိယအကြိမ် ပါးစပ်အဟောင်းသား ဖြစ်သွှားစေသော မောင်ဖိုးတိုးရဲ့အဖြေ ဖြစ်သည်။
“ကဲ…မောင်ဖိုးတိုး၊ မင်းကိုနောက်ဆုံး တစ်ခုပဲမေးတော့မယ် မင်းအဖေဟာ မင်းအမေကို သံယောဇဉ် မပြတ်လို့ ပြန်ပေါင်းချင်လို့ ကွာမပေးနိုင်တာ ဆိုရင်ရော မင်းက ပြန်မပေါင်းစေချင်ဘူးလား”
“ဟင့်အင်း ပြန်မပေါင်းစေချင်တော့ပါဘူး”
“ဘာဖြစ်လို့များပါလိမ့်ကွယ်”
“အဖေ့လက်ထဲ အမေပြန်ရောက်သွားရင်လည်း အဖေဟာ အမေကို တတိယမြောက် နောက်ယောကျာင်္းနောက် လိုက်ပြေးအောင် နှိပ်စက်ဦးမှာမို့လို့ပါ။ အမေဟာ
အဖေ့အတွက် လျော်ကြေးတောင်း တောင်းပေးတတ်တဲ့ ငွေတွင်းကြီးလို ဖြစ်နေတာကိုး။ ဒါကြောင့် အဖေက အမေ့ကို ကွာမပေးချင်တာ”
(၃)
တရားပြိုင်ပြ သက်သေများကို စစ်ဆေးသည့် ရုံးချိန်းနေ့တိုင်းမှာ သူမိခင်နှင့်အတူ လိုက်ပါလာလေ့ရှိ သော ဖိုးတိုးလေးသည် ဒီကနေ့လည်း ကျွန်တော် စီရင်ချက် ဖတ်ကြားနေသည်ကို တရားခွင်အ၀င်ဝ တံခါးရွက်ကိုမှီလျက် စူးစိုက်နားထောင်နေရှာသည်။
တရားလို တရားပြိုင်နှစ်ဦးကိုမှု ဖိုးတိုးလေးက ကျောခိုင်းလျက် ကျွန်တော်ဘက် လှည့်ရပ်နေကြသည်။
စီရင်ချက် ဖတ်ကြားရင်း တစ်ချက် တစ်ချက် မော်ကြည့်လိုက်တိုင်း ခံစားမှု ထုံထိုင်းသော စက်ဆုပ်ဖွယ်မျက်နှာ နှစ်ခုကို ကျော်လျက် ညှိုးလျရီဝေသော ဖိုးတိုးလေး၏ မျက်ဝန်းအစုံနှင့်
တည့်တည့် တန်းတိုးနေတတ်သည်။
“အမိန့်”
မစစ်ဆေးလိုသောအမှု၊ မဖတ်ကြားချင်သော စီရက်ချက်။ မချချင်သော အမိန့်ကို ရှောင်လွဲ၍ မရနိုင်ပြီ။
“ကောက်ချက်(၁)နှင့်(၂)ပါ အဖြေများအရ တရားလိုနှင့် တရားပြိုင်တို့ ဆက်လက်ပေါင်းသင်းနေလျှင်
လည်း အကျိူးထူးဖွယ် မမြင်သဖြင့် တရားလို စွဲဆိုသည့်အတိုင်း အကြင်လင်မယားအဖြစ်မှ ကွာရှင်းပြတ်စဲခွင့်ပြု၍ စရိတ်နှင့်တကွ အနိုင်ဒီဂရီ ချမှတ်ပေးလိုက်သည်။”
စီရင်ချက် ဖတ်ကြားပြီးဆုံးသည်နှင့် တစ်ပြိုက်နက် တရားခွင်ပေါ်မှနေ၍ ဖိုးတိုးလေးကို မျှော်ကြည့်လိုက်မိသည်။
သူ ကျွန်တော်ဘက်ကို လှည့်မနေတော့ပါ။ တံခါးရွက်ကို မျက်နှာအပ်လျက်၊ ကျောင်းစိမ်းပုဆိုး ခါးပုံစ ကလေးကိုဖြုတ်၍ မျက်ရည်တို့သုတ်လျက်၊ ပုခုံးကလေးနှစ်ဖက် သိမ့်သိမ့်လှုပ်ခါလျက်။
“ဖိုးတိုးရယ် မင်းပဲ ကွာပေးစေချင်ဆို”ဟု သူ့ကို အပြစ်မတင်ရက်ပါ။
လုံခြုံစွှာ ခိုလှုံနွေးထွေးရာ မိုးကောင်းကင်ကြီးတစ်ခုလုံး ဗြုန်းခနဲအက်ကွဲပြိုကျသွားခြင်းအတွက် အဘယ်ရင်သွေးငယ်က ၀မ်းမြောက်နိုင်မည်လဲကွယ်..။
မောင်ရင့်မာ(ကျောင်းကုန်း)
